सि.टा समचारदाता
हिमाली जिल्ला हुम्लाको अदानचुली गाउँपालिका–१ कल्खेमा जन्मिनु भएका कमल महताराले आफुसँगैका नौ सय परीक्षार्थीलाई पछि पार्दै माध्यमिक शिक्षा एसईईमा उत्कृष्ट अंक ल्याएर प्रथम बनाउन सफल हुनु भएको छ ।
हुम्लाबाट महतारा सहित २०८१ सालको माध्यामिक शिक्षा परीक्षा एसईईमा सहभागी नौ सय ३६ जनालाई पछि पार्दै ३.९५ जिपिए ल्याएर प्रथम हुनु भएको हो ।
कमल महताराले अदानचुली गाउँपालिका–४ को ज्ञानोदय माध्यामिक विद्यालयबाट एसईईमा सहभागी जनाउनु भएको थियो । सानै उमेरका साथै सानै समयमा जीवनका निकै धेरै कष्ट खानुका साथै ती कष्ट अनुशारको मेहनतको फल प्राप्त गरेको बुवा नवराज महताराले बताउनुभयो ।
बुवा महताराले भन्नुभयो, हार्दिक बधाई छ कमल सानै समयमा जीवनका निकै धेरै कष्ट खायौ तर कष्ट अनुशारको तिम्रो मेहनतको फल प्राप्त गरेका छौ । अुझ संघर्ष र संकटमा ठूला पहाड फोड्नु छ । संघर्षले गिजोलिएका पहाडका थुप्रा फोडेर सपनाको महल बनाउनु छ ।
यस्तै दोस्रोमा सर्केगाड गाउँपालिका–१ सरस्वती मावि जैरका प्रिन्स रावल हुनु भएको छ । रावलले ३.९२ जिपीए ल्याएका छन् । त्यस्तै सुर्योदय मावि श्रीनगरका अनन्त बुढाले ३.८७ जिपिए ल्याउनु भएको छ ।
