सि.टा. समाचारदाता
काठमाडौंमा हुन लागेको सि.डिभिजन फुटबल क्वालिफाईट टुर्नामेन्ट २०८२ प्रतियोगिताका लागि छनौट खेलमा हुम्ला जिल्लाबाट खेलाडी छनौट कार्य सुरु भएको छ । हुम्ला फुटबल ऐकेडेमीको आयोजनामा खेलाडी छनौट कार्य सुरु भएको हो ।
दोस्रो दिनमा एरिना फुटसल बौद्धमा भएको छनौट कार्यमा २६ जना खेलाडीहरुको सहभागिता रहेको ऐकेडेमीका अध्यक्ष बिष्णु रावतले जानकारी दिए ।
शनिबारर सहभागी खेलाडीहरुले अभ्यास समेत गरेका थिए । खेलाडीहरु २० जना हुम्ला, दुई जना मुगु र दुई काठमाडौंका र दुई जना धरानका खेलाडीहरु रहेका छन । त्यसैगरि तेस्रो दिन भक्तपुरमा खेलाडी उपस्थित गराएर अन्तिम छनौट कार्य गरिनेछ । त्यसबाट छनौट भएका २३ जना खेलाडीहरुलाई प्रतियोगिताको बन्द प्रशिक्षणमा राखिने छ । प्रतियोगिता मंसीर ५ गतेबाट काठमाडौंमा हुदैछ । यसका लागि आर्थिक जोहो गर्न ऐकेडेमीलाई उत्तिकै चटारो रहेको छ ।
