सि.टा. समाचारदाता
सिमकोट । कातिक २ गते प्रतितोला एक लाख ६२ हजार चार सयमा कारोबार भएको छापावाला सुन आजका लागि भने सुनको मुल्य नयाँ रेकर्ड तय भएको छ । एक लाख ६४ हजार चार सय मुल्य पुगेपछि नयाँ रकर्ड रहेको हो ।
नेपाली बजारमा सुनको मूल्यले निरन्तर उकालो कायम राखेको छ । उकालो लागे सुनको मूल्यले नयाँ–नयाँ कीर्तिमान कायम गरिरहेको छ । नेपाल सुनचाँदी व्यवसायी महासंघ नेपालका अनुसार सुनको मूल्य आज प्रतितोला दुई हजार रुपियाँले वृद्धि भएको छ ।
यस्तै, चाँदीको मूल्य तोलामा रु ३० ले बढेको छ। बिहीबार प्रतितोला रु एक हजार नौ सय ५० मा कारोबार भएको आजका लागि भने रु एक हजार नौ सय ८० निर्धारण भएको छ ।
