सि.टा. समाचारदाता
सिमकोट । जिल्लाका दुई वटा नाम्खा र सिमकोट गाउँपालिकाका किसानले उत्पादन गरेको पच्चीस हजार भन्दा बढी केजी स्याउ ढुवानी अनुदानमा निकासी भएको छ । जिल्लामा उत्पादन भएको स्याउको बजारीकरण र प्रर्बद्धन गर्नका लागि परियोजनाले ढुवानीमा अनुदानको ब्यवस्था गरेको हो । हालसम्म जम्मा पच्चीस हजार ९४२ केजी स्याउ जिल्लाबाट निकासी भएको छ । यस वर्ष परियोजनाको पचास प्रतिशत ढुवानी अनुदानमा पैदल मार्गबाट स्याउ ढुवानी गर्ने कार्य सुरु भएको परियोजनाका नायक प्राविधिक सहायक बिष्णुभक्त जैसीले बताए । उनले हालसम्म एक हजार ८५३ कार्टुन स्याउ निकासी भएको बताए । एउटा कार्टुनमा चौध केजी स्याउका दाना हुने गर्छ । प्रधानमन्त्री कृषि आधुनिकीकरण परियोजना कार्यान्वयन एकाई हुम्लाको पचास प्रतिशत ढुवानी अनुदानमा जिल्लामा उत्पादन भएका स्याउ निकासी सुरु भएको छ । निकासी हुने क्रम जारी रहेको कारण यो परिमाणमा बृद्धि हुनेछ । यो स्याउ सिमकोट र नाम्खा गाउँपालिका किसानबाट ब्यापारीले खरिद गरेर निकासी गरिएको हो । परियोजनाले जिल्ला दर रेट अनुसार प्रतिकेजी स्याउँमा पचार प्रतिशत अनुदानको ब्यवस्था दिनेछ । जिल्लाबाट सुर्खेत र नेपालगंजसम्म निकासी भएको स्याउँलाई ढुवानी अनुदान दिने गरिएको छ । चालु आर्थिक वर्षमा परियोजनाले नौ लाख रुपियाँ ढुवानी अनुदान दिनेछ । त्यसैगरि स्याउका दाना प्याक गर्नका लागि पचासी प्रतिशत अनुदानमा कार्टुन पनि किसानलाई उपलब्ध गराईएको छ । जसमा एउटा कार्टुनको मुल्य किसानले पैतीस रुपियाँ तिर्नु पर्नेछ । जिल्लामा उत्पादन भएको स्याउको बजारीकरणका लागि परियोजनाले ढुवानीमा अनुदानको ब्यवस्था गरेको हो ।
