सि.टा. समाचारदाता
सिमकोट । कर्णाली करिडोरको सिमकोट हिल्सा सडक खण्डको सिमकोट गाउँपालिका– ७ को धारापोरी गाउँको ठाडो ढुङ्गामा बिहीबार पून सुख्खा पहिरो गएको छ । एक्कासली माथिबाट पून सुख्खा पहिरो खसेपछि सडक भत्किदा यातायात सेवा पुर्ण रुपमा अवरुद्ध भएको हो ।
उक्त सडक खण्डमा काम हेर्दै आएका निर्माण कम्पनीका प्रतिनिधि नरेन्द्र रावतले पहिले पहिरो गएको स्थानमा तीस मिटर पहिरो पन्छाएर सडक सफा गर्दै गरेको अवस्थामा सडकको पुर्व पट्टी पून सुख्खा पहिरो आएर सडकको मर्मत कार्य रोकिएको बताए । पून पहिरो आएपछि काम समेत रोकिएको छ । यसअघि सडकमा माथिबाट आएको सुख्खा पहिरो कारण दुई सय मिटर सडक पुरिएको कारण यातायात सेवा पुर्ण रुपमा बन्द हुँदै आएको छ । पहिरोको कारण सडक अबरुद भएपछि सिमकोटबाट गएका यातायातका साधन चारटाँगेसम्म पुगेर सिमकोट फिर्ता हुने गरेका छन् भने हिल्साबाट आएका गाडी धारापोरी गाउँको माथिसम्म आउने गरेरका छन् । पहिरोले अबरुद्ध भएको सडकमा मानिस आउजाउ गर्न नसक्ने भएको कारण पैदल यात्रुहरु र खच्चड सवै चौगानफया गाउँ भएर जाने गरेका छन् । सो क्षेत्रको सडकमा दुई सय मिटर लम्वाई र डेढ सय मिटर माथिबाट सुख्खा पहिरो खसेको छ । पहिरोले तीन वटा बिधुतका पोलहरु ढालेको कारण बिधुत सेवा अबरुद्ध भएको छ । त्यसैगरि धारोपोरी गाउँका लागि खानेपानीको पाईपलाईन समेत पहिरोले बगाएको कारण पानीको समस्या सुरु भएको छ । सो खण्डको सडकमा हाल हिल्सा सिमकोट सडक आयोजनाको लगानीमा दाप्चा आरएन जेभी हेटौडाले निर्माण कार्य जारी राखेको थियो । सुख्खा पहिरोले सडक अवरुद्ध भएपछि निर्माण कार्य समेत रोकिएको छ । सो खण्डको सडकको निर्माण कार्य आगामी पुस मसान्तसम्म सम्पन्न गरि सक्नु पर्छ । यसका लागि आयोजनाले आठ करोड रुपियाँ लागत लाग्ने गरि निर्माण कम्पनीसं सम्झौता गरेको थियो । पहिरो गएपछि निर्धारित मितिमा सडकको निर्माण कार्य सम्पन्न हुने कार्य समेत अन्यौलमा परेको छ । त्यसैगरि पहिरोले चौगानफया गाउँ जाने बाटो र मान बहादुर शाहीको घर समेत जोखिममा परेको छ । यसअघि गत आईतबार गएको थियो । त्यसयता यातायात सेवा अबरुद हुँदै आएको छ ।
