सि.टा. समाचारदाता
सिमकोट । सर्केगार्ड गाउँपालिका उपाध्यक्ष पदका लागि मङ्सीर १६ गते हुन लागेको उपनिर्वाचनका लागि नेपाली काँग्रेसले हर्सोउल्लासका साथ उम्मेदवारी दर्ता गर्ने कार्य गरेको छ । गाउँपालिका स्तरको पार्टी कार्यालयहरुबाट बाजाघाजा सहित उम्मेदवारी दर्ता गर्ने कार्य भएको हो ।
उपाध्यक्ष पदका लागि नेपाली काँग्रेसले सबिता बुढाको उम्मेदवारी मुख्य निर्वाचन कार्यालयमा दर्ता गरेको हो । जसमा उम्मेदवार दर्ता गर्ने दिनमा जिल्लाका ठुला दलहरु मध्य नेपाली काँग्रेसले सबै भन्दा अगाडी आफ्नो उम्मेदवारी मुख्यनिर्वाचन अधिकृतको कार्यालयमा दर्ता गर्ने कार्य भएको थियो । मनोनय दर्ताको दुई दिन अगाडी बसेको सर्बदलीय बैठकले ठुला दल अनुसार उम्मेदवारी दर्ता गर्ने कार्य गर्ने सहमति अनुसार सो काम भएको हो ।
यसअघि नेपाली काँग्रेसले गाउँपालिका केन्द्र सर्केगार्डको मिलन चोकबाट बाजाघाजा सहित र्याली निकाले मुख्य निर्वाचन अधिकृतका कार्यालयमा पुगेर उम्मेदवार दर्ता गर्ने कार्य भएको हो । काँगेस पार्टी सभापति मोहन बिक्रम सिंह, पुर्वपार्टी सभापति जयपति रोकाया, संविधान सभासदस्य रिता शाहीको नेतृत्वमा उम्मेदवार दर्ता गर्ने कार्य भएको थियो । दर्ता कार्यक्रममा काँग्रेसका सात वटै गाउँपालिकाका नेता तथा कार्यकर्ताहरुको सहभागिता रहेको थियो ।
