सि.टा. समाचारदाता
सिमकोट । कार्यालयमा इन्टरनेट जडान नभएको कारण कार्यालयमा भएका कामहरु आयोगमा पठाउन र आयोगबाट आउने परिपत्र हेर्न नसकिने अवस्था आएको छ । सर्केगार्ड गाउँपालिका उपाध्यक्ष पदका लागि मङ्सीर १६ गते हुन लागेको उपनिर्वाचनका लागि स्थापना भएको मुख्य निर्वाचन अधिकृतको कार्यालयमा काम गर्न कठिन भएको हो । उपनिर्वाचनका लागि स्थापना भएको मुख्यनिर्वाचन अधिकृतको कार्यालय हिमज्योति मावि सर्केगार्डको नयाँ निर्माण भएको भवनमा स्थापना गरिएको भएपनि त्यहाँ ईन्टरनेट जडान नगरिएको कारण काम गर्न कठिन भई रहेको मुख्य निर्वाचन अधिकृतको कार्यालयले जनाएको छ । आईतबार मनोनयन दर्ताको काम सकिने बित्तिक्कै कार्यालय बन्द गरेर मनोनयन वारे आयोगलाई जानकारी गराउन साँया स्वास्थ्य चौकीको भवनमा रहेको कार्टरमा आएर काम गर्नु परेको थियो । शाखामा गाउँपालिकाले जडान गरेर ईन्टरनेट पनि निक्कै सुस्त गतिको भएको तर पनि जेनतेन काम चलाउनु परेको हो । त्यसैगरि कार्यालयमा प्रिन्ट नभएर बजारमा गएर प्रिन्ट गर्नुपर्ने अवस्था रहेको छ । बिधुतको समेत राम्रो ब्यवस्था नभएको कारण कर्मचारीहरुले समस्या भोग्नु परि रहेको छ । गाउँपालिकाले ब्यवस्था गर्नु पर्ने भएपनि खासै चासो नदिएको कारण समस्या भोग्नु परि रहेको कार्यालयका कर्मचारीहरुले गुनासो सुनाए । यसैगरि कार्यालयमा शौचालयको समेत ब्यवस्था छैन ।
