- सि.टा समचारदाता
हुम्लामा बिस्व प्राथमिक उपचार दिवस मनाईएको छ । एक कार्यक्रमको आयोजना गरि सो दिवस मनाईएको हो । दिवसको अवसरमा सिमकोट गाउँपालिकालाई अक्सिजन कन्सन्ट्रेटर सहयोग गरिएको थियो । बिस्व प्राथमिक उपचार सेवा दिवसको अवसर पारी नेपाल रेडक्रस सोसाईटी जिल्ला शाखा हुम्लाले गाउँपालिकालाई सहयोग उपलब्ध गराएको हो ।
सिमकोट गाउँपालिकाका दुई वटा स्वास्थ्य चौकी ठेहे र डाँडाफया स्वास्थ्य चौकीका प्रदान गर्ने गरि दुई वटा अक्सिजन कन्सन्ट्रेटर सिमकोट गाउँपालिकाले सहयोग गरिएको रेडक्रस सोसाईटी हुम्ला शाखाका सभापति गणेश महतले जानकारी दिए । गाउँ गाउँमा दमका बिरामी बढी हुने तर अक्सिजन कन्सन्ट्रेटर नभएको कारण समस्या भएको पाईएपछि यी सामाग्री सहयोग गरिएको उनले बताए । ती अक्सिजन कन्सन्ट्रेटर सभापति महतले सिमकोट गाउँपालिकाका अध्यक्ष बिजय भण्डारीलाई बिस्व प्राथमिक उपचार दिवसको अवसरमा आयोजिक कार्यक्रममा प्रदान गरिएको हो । कार्यक्रममा अध्यक्ष भण्डारीले विपदको बेला प्राथमिक उपचार सबै भन्दा महत्वपुर्ण हुने भएको कारण यो सेवालाई सवैले ध्यान दिएर सेवा प्रदान गर्न आग्रह गरेका थिए । त्यसैगरि अदानचुली गाउँपालिकाका अध्यक्ष मोहन बिक्रम सिंहले प्राथमिक उपचार सेवा दुरदराजमा प्रकोपको समयमा गर्नु आवश्यक रहेको बताउदै चिकीत्सककोमा घाईतेलाई नपुर्याउदासम्म प्राथमिक उपचार सेवा महत्वपुर्ण भएको भनाई राखे । कार्यक्रममा रेडक्रसका सभापति महतले आफ्नो कामै स्वयम सेवक मार्फत प्राथमिक उपचार सेवा प्रदान गर्नु रहेकोले गाउँगाउँमा रेडक्रमकर्मी खटिएर त्यस्तो आपत विपतका बेला सेवा प्रदान गरि रहेको बताए । कार्यक्रममा सिमकोट गाउँपालिकाकी उपाध्यक्ष शुशिला भाम रोकाया, जिल्ला समन्वय समितिकी सदस्य सरिता रावत लगाएतको उपस्थिती रहेको थियो ।
