सि.टा समाचारदाता
नेपाल पत्रकार महासंघ हुम्ला शाखाको कार्यालयमा ताला बन्दी गरिएको छ । आफ्ना सदस्यहरुको नामावली छुटाएको भन्दै प्रेश चौतारी नेपालको हुम्ला शाखाले ताला लगाउने कार्य गरेको हो ।
शनिबार बेलुका नेपाल पत्रकार महासंघले सार्वजनिक गरेका सदस्यता बिबरणमा प्रेश चौतारी नेपालको हुम्ला शाखाका सदस्यहरुको नाम छुटेको भन्दै महासंघको कार्यालयमा ताला लगाउने कार्य भएको हो । आफ्ना चार जना सदस्यको नाम छुटेको भन्दै महासंघ हुम्ला शाखाको कार्यालयमा ताला लगाउने कार्य भएको प्रेश चौतारी नेपालका हुम्लाका सचिव दाने बोहराले बताए ।
उनले पत्रकार महासंघ हुम्ला शाखाले एक जनाको नविकरण र तीन जनाको नयाँ सदस्य प्रदानका लागि सिफारिस गरेकोमा ती चारै जनाको सार्वजनिक भएको नामावलीमा छुटाएको भन्दै कार्यालयमा ताला लगाउने कार्य भएको बताए । नाम छुटेका चार जना सदस्यहरुमा नृप हमाल नविकरण गर्ने र नयाँ सदस्यताका लागि सिफारिस गरिएका सदस्यहरुमा अैटन रावल, लक्ष्या कामी, धनबहादुर भण्डारी रहेका छन् । यस अघि महासंघ हुम्लाबाट ३२ जना पुराना सदस्यहरुको नाम नविकरणका लागि सिफारिस गरेको थियो भने एघार जनाको नाम नयाँ सदस्यहरुका लागि सिफारि गरेको थियो । हाल महासंघ केन्द्रले हुम्ला शाखाका लागि ४१ जनाको नाम सार्वजनिक गरेको छ । त्यसै गरि प्रेश युनियनका दुई जना सदस्यको सिफारिस जिल्ला शाखाले गरेको भएपनि ती नाम पनि काटिएका छन् ।
