- सि.टा. समाचारदाता
सिमकोट । खाद्य ब्यवस्था तथा ब्यापार कम्पनी लिमीटेडको हुम्ला शाखा र डिपोबाट नेपालीहरुको महान चाड वडा दशै र तिहारको अवसरमा सहुलियतमा चामल र तेल बिक्री गरिने भएको छ । यसका लागि बुधबार बसेको जिल्ला खाद्य ब्यवस्था समितिको बैठकले सहुलियतमा चामल र तेल सर्वसाधारणका लागि बिक्री गर्ने निर्णय गरेको हो ।
असोज ६ गतेबाट दशै तिहारका लागि सहुलियत मुल्यमा चालम र तेल बिक्री बितरण सुरु गरिने लिमीटेड हुम्ला शाखाका निमित्त कार्यालय प्रमुख नविन आचार्यले बताए । उनले चाडवाड लक्षित गरेर लिमीटेडले सहुलियतमा चामल र तेल बिक्री गर्न लागेको बताए । यसमा शाखाबाट चामल प्रतिकेजी पाँच रुपियाँ छुट हुने छ भने तेलमा भने प्रति लिटर सात रुपियाँ सर्वसाधारणले छुट पाउने छन् । शाखाबाट चार हजार क्वीन्टल चामल र छ हजार ३५८ लिटर तेल सहुलियतमा बिक्री गरिने छ । चामल भने पोषण तत्व मिसिएको बिक्री गरिने छ । त्यसैगरि सर्केगार्ड गाउँपालिकाको लागि सर्केगार्ड डिपो र अदानचुली गाउँपालिकाका लागि श्रीनगर डिपोबाट पाँच पाँच सय क्वीन्टल चामल छुटमा बिक्री गरिनेछ । बैठक जिल्ला समन्वय समितिका उपप्रमुख दलु फडेराको अध्यक्षमा बसेको बैठकमा प्रमुख जिल्ला अधिकारी विनोद कुमार पोखरेल, कृषि बिकास कार्यालयका प्रमुख बखत बहादुर खड्का र सदस्य सचिव आचार्यको सहभागिता रहेको थियो । साथै आमन्त्रीतमा जिल्ला राजनीति दलहरुको पनि उपस्थिती रहेको थियो ।
