- सि.टा. समाचारदाता
सिमकोट । जिल्लामा सञ्चालन भएको आँखा शिबिरमा ५८३ जनाले उपचार गर्न पाएका छन् । दुई दिनसम्म सञ्चालन भएको शिबिरमा ती आँखाका बिरामीहरुको उपचार भएको हो ।
आँखा शिबिरमा ५८३ जना बिरामीको आँखाको उपचार गरिएको नेपाल रेडक्रस सोसाईटी जिल्ला शाखा हुम्लाका सभापति गणेश महतले बताए । त्यसमा २९८ जना महिला र २८५ जना पुरुषको उपचार भएको हो । जिल्लामा ३८ जना बिरामीको शल्यक्रिया गरिएको छ । दुई दिनसम्म सञ्चालन भएको आँखा शिबिरमा मोति बिन्दुका बिरामीको चिकीत्सकद्धारा शल्यक्रिया गरिएको हो । आँखाको बिरामीहरुको मोति बिन्दुको शल्यक्रिया भएकोमा २२ महिला र १८ जना पुरुष रहेका छन् । शिबिर हिमालय आँखा अस्पताल पोखरा, नेपाल नेत्रज्याति संघ काठमाडौं, आई केयर फाउण्डेसन काठमाडौं र सि.वि.एम. सुर्खेतको आर्थिक तथा प्राविधिकि सहयोग नेपाल रेडक्रस सोसाईटी हुम्ला शाखाको आयोजना सञ्चालन भएको हो । शिबिर सञ्चालनमा लागि सात जनाको चिकीत्सक सहित जिल्लामा आएको थियो ।
