सि.टा. समाचारदाता
सिमकोट । सदरमुकाम समेत रहेको सिमकोट गाउँपालिकाले सोमवार असोज ७ गते आफ्नो बार्षिक सार्वजनिक सुनुवाई कार्यक्रम आयोजना गर्ने भएको छ । आर्थिक वर्ष ०८०।०८१ म गाउँपालिकाद्धारा प्रदान गरिएका सबै प्रकारका सेवाहरु माथि सर्वसाधारणको जानकारीका लागि सार्वजनिक सुनुवाई गर्न लागेको हो ।
गाउँपालिकाले एक सुचना सार्वजनिक गर्दै सार्वजनिक सुनुवाई कार्यक्रम आयोजना गर्न लागिएको जनाएको छ । गाउँपालिकाका पाँच वटै विषयगत समिति अन्र्तगत सेवाग्राहीका लागि प्रदान गरिएका सेवाहरु माथि सर्वसाधारणसंग जानकारी गराउने उद्धेश्यले सो कार्यक्रम आयोजना गर्न लागिएको हो । सोमबार बिहान ११ वजे जिल्ला समन्वय समितिमा यो कार्यक्रम आयोजना गरिने र यसका लागि गाउँपालिकाका आठ वटै वडाका सर्वसाधारणलाई उपस्थितीका लागि अनुरोध समेत गाउँपालिकाले गरेको छ । सो कार्यक्रममा सेवाग्राहीले प्रत्यक्ष रुपमा गाउँपालिका अध्यक्षदेखि प्रशासकीय अधिकृत, फाँट प्रमुख, कर्मचारी जो संग पनि जिज्ञासा राख्ने ब्यवस्था गरिएको छ । कार्यक्रममा सहभागीहरुले आफ्ना गुनासा, जिज्ञासा, सुझाव समेत राख्न सक्नेछन् ।
