सि.टा. समाचारदाता
सिमकोट । सधै निधारमा दाम्लो लगाएर घाँस बोक्नु पर्ने बाध्यता किसानलाई हट्दै गएको छ । राष्ट्रिय सडक सञ्जालसंग नजोडिएको भएपनि आन्तरिक सडक निर्माण भएर यातायातका साधन सञ्चालनमा आएपछि किसानहरुलाई दाम्लो निधारमा लगाएर घाँस बोक्नु पर्ने बाध्यता हटेको हो ।सिमकोट गाउँपालिका– ६ की जानकी रोकायाले अघिल्लो वर्षसम्म निधारमा नाम्लो लगाएर पिठ्युमा घाँस बोक्नु पर्ने बाध्यता हटेको बताईन । बनमा काँटेको घाँसलाई सडक छेउमा बोकेर लगेर राख्ने र त्यसैबाट ट्याक्टर लगाएतका यातायातका साधनहरुलाई खवर गरेर घरसम्म ढुवानी गर्ने कार्य हुन थालेपछि घाँस बोक्नु पर्ने बाध्यता किसानहरुलाई हटेको उनले बताईन । किसानलाई केही लगानी गर्नु परेपनि बनबाट घाँस बोकेर ल्याउनु पर्ने समय छोटिएको छ । यो कार्य स्थानीय सडक निर्माण भएर सञ्चालनमा आएको कारण किसानहरुलाई फाईदा भएको हो । यसरी यातायातका साधनमा बनमा काँटेको घाँस अधिकाँस किसानहरुले ओसार्ने कार्य गर्न थालेका छन् । यसबाट एकातिर किसानलाई घाँस बोक्ने छुटकारा मिलेको छ भने अर्कोतर्फ यातायातका साधनहरुले पनि काम पाउन सहज भएको छ । ट्याक्टर चालक जनक बुढाले यो सिजनमा किसानको घाँस बोक्ने काम पाउने गरेको बताए ।
