सि.टा समाचारदाता
सिमकोट । सिमकोट गाउँपालिका–७ डाडाफयाँ गाउँका पशुवस्तु अज्ञात रोगको संक्रमण लागेर मन थालेका छन । अज्ञात रोगको संक्रमण देखिन थालेपछि छोटो अवधिमा पशु चौपाया मर्न थालेका हुन । केही दिन यतादेखि डाडाफयाँ, थाया, जबुका लगाएतका गाउँका पशुवस्तुमा अज्ञात रोग देखिन थालेको हो । डाँडाफया गाउँका स्थानीय प्रकाशबहादुर शाहीका अनुसार एक्कासी गाई, गोरु जुमा, झोपा लगाएतका पशुहरुले घाँस खान छोड्ने, मुखबाट र्याल निकाल्ने र पिसावबाट रगत बग्ने र मर्ने गरेको बताए । यहाँ रहेका जुमा र झोपाहरु घाँस नखाने, र्याल छोड्ने गरेको स्थानीय सिंहले बताएका छन । उनले आफ्नो लगायत अन्य गाउँका दशवटा जुमा, झोपामा यो लक्षणको रोग देखिएको बताए । अन्य जुमा झोपा लगाएत खसीलाई पनि यो रोग देखा परेको छ । यसको मुख्य लक्षण मुखबाट र्याल छोड्ने घाँस खान मन नपराउने हिँड्न नसक्ने यो रोगको लक्षण हो । अज्ञात रोगले सिमकोट गाउँपालिकाको डाँडाफया लगाएत बिभिन्न ठाँउमा ८० हजार देखि एक लाख पर्ने जुमा र झोपा गरि पाँच वटा मरि सकेका छन् । पशु अस्पताल तथा पशु सेवा कार्यालयका प्रमुख कृष्ण रोकायाले अज्ञात रोग लागेको जानकारी आएपछि औषधी र पशु स्वास्थ्यकर्मी गाउँमा पठाएको र प्राबिधिक हेनेर नआएसम्म यो रोग भन्न नसकिने बताए
