सि.टा. समाचारदाता
सिमकोट । अस्पतालले रिफर गरेको एक हप्तापछि विरामी सुनबुटी तामाङले हवाई टिकट मंगलबार पाएकी छन् । टिकट पाएपछि उनी अहिले नेपालगंजबाट काठमाडौं पुगेर केएमसी अस्पतलमा उनको उपचार सुरु भएको हो । एक हप्तासम्म टिकट नपाएर बिरामी तामाङ चिकीत्सकको रिफर लेटरसंगै राखेर जिल्ला अस्पताल मै बसेकी थिईन । यस्तो अवस्थामा पनि यसबिच उडान भरेका हवाई जहाजहरु उनको उद्धार गर्नु उपयुक्त ठानेन । मंगलबार बल्ल नेपाल एयरलाईन्सले उद्धार कार्य गरेको छ । यसबिचमा सीता, समिट र तारा एयरले उडान भएका थिए । तर पनि उनको उद्धार हुन सकेको थिए । उनको परिवारका सदस्यहरुमा एउटा बाह्र तेह्र वर्षकी छोरी र दुई जना अपांगता भएकी दिदीहरु रहेकी छन् । अस्पतालले जिल्लामा उपचार हुन नसक्ने भएपछि एक हप्ता अगाडी जिल्ला बाहिर रिफर गरेको भएपनि टिकट नपाएको अस्पताल मै बसेकी थिईन ।
ताक्लाकोटबाट पनि आर्थिक सहयोग
मुटुकी बिरामीलाई चीनको ताक्लाकोटमा ब्यापार ब्यवसाय र काम गर्दे आएका नेपालीहरुले आर्थिक सहयोग जुटाएका छन् । नाम्खा गाउँपालिका– १ को धिगाँ गाउँकी तामाङको उपचारका लागि ताक्लाकोटका नेपालीबाट आर्थिक सहयोग जुट्ने कार्य भएको हो । ताक्लाकोटमा ब्यापार ब्यवसाय गर्दै आएकी लामु लामाले हाल चीनको पुराङ काउण्टीको ताक्लाकोटमा ब्यापार ब्यवसाय गर्दै आएका हुम्लावासीले मुटुकी बिरामी तामाङका लागि आर्थिक सहयोग जुटाएको बताई । यसका लागि पाँच हजार ८१६ चिनीयाँ युआन संकलन भएको र यसबाट नेपाली एक लाख बीस हजार ९१२ रुपियाँ भएको छ । सहयोग जुटेको रकम चाँडै ताक्लाकोटबाट बिरामी तामाङको आफन्तको खातामा पठाई दिने उनले बताईन । यो रकम ५३ जना ताक्लाकोटमा काम गर्दै आएका हुम्लावासीले सहयोग गरेका हुन । आर्थिक अवस्था समजोर भएपछि जिल्ला बाहिर उपचार गर्नका लागि ब्यक्तिगत रुपमा आर्थिक सहयोग जुटाउने कार्य भएको हो । उक्त वडाबाट सिमकोट बस्दै आएका ब्यक्तिबाट ब्यक्तिगत रुपमा एक लाख ८८ हजार ७० रुपियाँ सहयोग जुटेको थियो ।
