सि.टा समचारदाता
सिमकोट । सत्तारुढ दल नेपाली काँग्रेसका सहमहामन्त्री जीवन परियार सर्केगार्डमा आई पुगेका छन् । उपनिर्वाचन हुन लागेको सर्केगार्ड गाउँपालिकामा मंगलबार बेलुका सहमहामन्त्री परियार आई पुगेका हुन ।
उपनिर्वाचनका बारेमा काँग्रेसका नेता तथा कार्यकर्ताहरुसंग जानकारी लिन हौसला बढाउन सहमहामन्त्री परियार अचानक सर्केगार्डमा आई पुगेका हुन । मंगलबार राती नै उनले चुनावी प्रचारप्रसारमा जुटेको हुम्ला काँग्रेसका नेता तथा कार्यकर्ताहरुसंग भेटघाट र छलफल गरेका थिए । भेटका क्रममा उनले निर्वाचनमा जीतको अग्रीम शुभकामना समेत दिएका थिए । काँग्रेसलाई जित्ने माहोल तयार पार्न पनि उनले हुम्ला काँग्रेसलाई आग्रह गरेका थिए । साथै सर्केगार्ड गाउँपालिकाका मतदाताहरुलाई नेपाली काँग्रेसका उम्मेदवारलाई मतदान गरेर बिजयी बनाउन समेत उनले अपिल गरे । भेटघाट कार्यक्रममा काँग्रेस केन्द्रीय सदस्य रंगमति शाही, काँग्रेस हुम्लाका सभापति मोहन बिक्रम सिंह, काँग्रेस कर्णाली प्रदेशका सदस्य जयपति रोकाया, संविधान सभा सदस्य रिता शाही, कर्णाली प्रदेशका सदस्य अर्जुन महतारा, क नम्बर प्रदेशका सभापति मानदेव शाही, उपाध्यक्ष पदका उम्मेदवार सविता बुढा लगाएको उपस्थिती रहेको थियो ।
