सप्तरीको हनुमाननगर कंकालनी नगरपालिका-४ गंगापुरमा शुक्रबार एक पुरुषको शव फेला परेको छ ।भक्तपुरको सुडाल-५ का ४६ वर्षीय बलराम पाण्डेको शव खेतामा फ्याकिएको अबस्थामा फेला परेको हो । हनुमाननगर कंकालिनी-४ गंगापुर टोलदेखि पश्चिम खेतमा भक्तपुरको सुडाल-५ का पाण्डेको शव भेटिएको ईलाका प्रहरी कार्यालय कन्चनपुरका डिएसपी दिपक रायले जानकारी दिए । शव परिक्षणका लागि राजविराज स्थित गजेन्द्रनारायण अस्पताल पठाएको तथा घटनाबारे थप अनुसन्धान भईरहेको डिएसपी रायले जानकारी दिए । यसअघि सोमबार सोही वडामा एक युवकको वेवारिसे शव भेटिएको थियो । सप्तरीमा व्यक्ति हत्याको घटना वृद्धि हुदा समेत हत्यामा संलग्नहरु भने पक्राउ पर्ने सकेको छैन ।
