सि.टा समाचारदाता
सिमकोट । सर्केगार्ड गाउँपालिका– ३ खाँडालेखमा भेडी गोठ भत्किदा भेडाबाख्रा पुरिएर मरेका छन् । तीन दिन लगातारको भारी वर्षाले भिजेको गोठ भत्किदा एउटै घरका ती भेडाबाख्रा मरेका हुन ।
गत आईतबार राती उक्त वडाको रिप गाउँका अंक फडेराको लेकको गोठमा राखेका सात वटा भेडाबाख्रा लगातारको वर्षामा भिजेको घर पानी नपरेको समयमा भत्कदा पुरिएर मरेको प्रहरी निरीक्षक जंगबहादुर सिंहले बताए । लेकमा सञ्चार सम्पर्क हुन नसक्ने भएको कारण ढिलो जानकारी आएको उनको भनाई छ । एक तले गोठ भत्किएको हो । गोठ भत्किएको कुरा बिहान मात्र थाहा भएको फडेराले बताउदै पछि भत्किएको घरका काठ, ढुङ्गा, माटो पन्छाएपछि भेडाबाख मरेको अवस्थामा भेटिएका जानकारी दिए । साथै सोही गोठमा राखिएका तीन वटा मौरीका घारहरु पनि पुरिएर मौरी समेत मरेको र मह माटोमा खेर गएको छ ।
फोटो क्याप्सन
वर्षाले घर भत्किदा पुरिएर मरेका भेडाबाख्राका साथ स्थानीयहरु ।
