सि.टा. समाचारदाता
हुम्ला । जिल्ला सदरमुकाम रहेको सिमकोट चौबीस घण्टादेखि खानेपानी, ईन्टरनेट मोवाईल सेवाबाट बञ्चित हुँदै आएको छ । लगातार वर्षाको कारण ईन्टरनेट र मोवाईलको टावर बिग्रीनु र खानेपानीको मुहानको पाईप पहिरोले बगाएपछि सिमकोटवासीले असहज स्थितीमा जीवन विताउदै आएका हुन ।
सदरमुकाम सिमकोटमा शनिबार चार वजेबाट मोवाईल र इन्टरनेट सेवाले काम गर्न छोडेको छ भने खानेपानी पनि धारामा आउन छोडेको सञ्चारकर्मी नन्द सिंहले बताए । ईन्टरनेट र मोवाईल सेवाका लागि जिल्ला बाहिर रहेको टावरमा समस्या आएको कारण सो सेवा अबरुद्ध भएको नेपाल टेलिकम हुम्ला शाखाले जनाएको छ । यो सेवा कहिलेबाट उपलव्ध हुन्छ भन्ने पनि एकिन छैन् । त्यसैगरि सिमकोटमा खानेपानीको पनि समस्या भई रहेको छ । लगातारको वर्षाको कारण सिमकोटलाई खानेपानी उपलब्ध हुँदै आएको हुमाने खोलाको मुहानको इन्टेकमा पानी आपुर्ती गर्ने पाईन नै बगाएको कारण यो समस्या आएको हो । अर्को कुरन सो पाईपलाईनको ठाउँठाउँमा पाईप पनि पहिरोले बगाएको छ । मर्मत कार्य आईतबार सुरु गरिएको भएपनि सम्पन्न हुन सकेको छैन । यसले गर्दा बिधुत समस्या लामो समयदेखि भोग्दै आएका सदरमुकाम सिमकोटवासीले एक साथ नेट, मोवाईल र खानेपानी समस्या भोग्नु परि रहेको छ । एनसेलका सिमले पनि राम्रो काम गरेको छैन । वल्र्डलिंकले भने इन्टरनेट सेवा ठिकै रुपमा सेवा उपलब्ध गराएको छ ।
फोटो क्याप्सन
हुम्लाको सदरमुकाम सिमकोट ।
