- सि.टा. समाचरादाता
सिमकोट । चालु आर्थिक वर्षमा पुर्बाधार बिकास कार्यालयले पौने चार करोडको नयाँ झोलुङ्गे पुल निर्माण गर्ने भएको छ । चालु आर्थिक वर्षमा त्यसका लागि कार्यालयलाई बजेटको अख्तियारी समेत आई सकेको हो ।
कार्यालय प्रमुख नरेशराज जैसीले यसका लागि तीन करोड ९० लाख बजेट विनियोृजित भई सकेको कारण अब चाँडै निर्माण कार्य अगाडी बढाईने बताए । १२ वटा नयाँ झोलुङ्गे पुल निर्माण हुने छन् । पुर्बाधार बिकास कार्यालयले सदरमुकाम सिमकोट बाहेक अन्य छ वटा गाउँपालिकामा तीन झोलुङ्गे पुल निर्माण गर्न लागेको हो । आवश्यकताका आधारमा जिल्लाबाट माग भएर आएका खोला तथा नदीमा चालु आर्थिक वर्ष ०८१।०८२ मा १२ नयाँ झोलुङ्गे पुल निर्माण हुने र एउटा क्षेतीग्रस्त झोलुङ्गे पुलको मर्मत गरिने बताए । अब नयाा निर्माण हुन लागेका झोलुङ्गे पुलहरुमा सर्केगार्ड गाउँपालिका–२ को सुईना खोलामा बीस लाखमा झोलुङ्गे पुल निर्माण हुने छ भने सो वडाको गुम्वा जुम्ली साँघु झोपु पैतालीस लाखमा निर्माण हुनेछ । त्यसैगरि सर्केगार्ड ७ कै भ्यूपार्न झोपु तीस लाख, दुल्लीमुण्डी थाहा झोपु बीस लाखमा निर्माण हुनेछ । यता नाम्खा गाउँपालिकाको कुडिल्ला झोपु तीस लाखमा र छोसाम झोपु बीस लाखमा निर्माण हुनेछ । त्यस्तै खार्पुनाथ गाउँपालिका–२ को नल्ना खारगाउँदेखि राया झोपु तीस लाख र सो गाउँपालिका १ र २ को लिगे झोपुदश लाखमा निर्माण हुनेछ । अदानचुली गाउँपालिका– ३ को पानी घट्ट झोपु तीस लाखमा निर्माण हुनेछ । त्यसैगरि ताँजाकोट गाउँपालिकाको हन्गा। खोला झोपु बीस लाख र क्षेतीग्रस्त पैमाखोला झोपु बीस लाखमा मर्मत गरिने छ । दुई वटाको थप बजेटको ब्यवस्था गर्न सके सवै झोपु यसै आथिएक वर्षमा सम्पन्न गरिने उनले बताए ।
