सि.टा. समाचारदाता
सिमकोट । युनिसेफले जारी गरेको प्रेस विज्ञप्ति अनुसार बाढीका कारण यस पटक २०७ जनाको मृत्यु भएको छ । जसमध्ये ३५ बालबालिका छन ।
प्रारम्भिक सूचनामा आधारित तथ्य अनुसार अझ धेरै व्यक्ति हराइरहेका छन् , व्यापक सम्पत्ति क्षती भएको छ र ठूलो जनसमूह विस्थापित भएको छ । पहिरो र सडकमा तेर्सिएका अवरोधहरुले उद्धार कार्यमा व्यवधान पुरायकाे छ । गत शुक्रबारदेखि परेको अविरल बर्षा विगत केही दशककै सबैभन्दा ठूलो हो। हालै भएको भारी बर्षाबाट उत्पन्न बाढीका कारण नेपालमा हजारौँ बालबालिका र तिनका परिवार प्रभावित भएका छन् । बालबालिका र युवाहरुका लागि तत्काल सहयोग आवश्यक छ। घरबार विहीन हुनाका साथै उनीहरुको सन्त्रास र उनीहरुको मानसिक स्वास्थ्य स्थितिलाई गम्भीरताका साथ लिएर आवश्यक सहयोग गर्नुपर्ने उनले बताएकी छन् । युनिसेफ नेपाल यहाँको सरकार तथा अन्य मानवीय सहयोग संस्थाहरुसँग मिलेर परिस्थितिको आँकलन गर्दै आवश्यक कारबाही गर्नमा लागिपरेको उक्त वक्तव्यमा बताइएको छ ।
