सि.टा. समाचारदाता
सिमकोट । जिल्ला अस्पताल जिल्ला अस्पतालमा औषधीको अभाव देखिएको छ । अस्पतालको भण्डार कक्षमा भएको पहिलेको मौज्दात औषधी सकिएको र नयाँ औषधी खरिद गर्न नपाएपछि औषधीको चरम अभाव देखिएको हो ।
अस्पतालमा उपचाररत बिरामी लक्षु बिकले चेकजाँच गर्ने कार्य हुने गरेपनि औषधी भने नपाउने बताईन । अस्पतालमा औषधी नपाउने समस्या एउटा बिरामीको लागि मात्र नभएर सवैलाई उस्तै रहेको छ । पहिले औषधी भएपनि चिकीत्सक नहुने समस्या रहँदै आएकोमा हाल भने चिकीत्सक हुने तर औषधी नहुने समस्या सामान्य जस्तै भएको छ । चिकीत्सकले चेकजाँच गरेर बिरामी पुर्जामा औषधी लेखेपछि नीजि मेडिकल र फर्मेसीमा गएर बिरामीले औषधी किन्नु पर्ने बाध्यता रहेको छ । अस्पतालकी बरिष्ठ अनमी सरिता बोहराले औषधीको अभाव भएको स्वीकार गर्दै घाउ चोट लागेका बिरामीका लागि स्प्रिड र कटनको पनि अभाव रहेको बताईन । उनले स्वास्थ्य सेवा कार्यालयमा नयाँ निमित्त कार्यालय प्रमुखका रुपमा खटिएर आएकी चिकीत्सक भारती भएपनि उनलाई आर्थिक अधिकार नदिएको कारण औषधी खरिदमा समस्या देखिएको बताईन । दशैको समयमा पारिश्रमिक पाउन पनि पुराना सरुवा भएका कार्यालय प्रमुखबाट संभव भएको बताउदै कायालय प्रमुख खटाएपनि अधिकारी नपाए कै कारण आर्थिकसंग सम्वन्धि कामहरु रोकिएका हुन । उनले नयाँ हाकिमलाई आर्थिक अधिकारी दिएको भए औषधी खरिदको प्रकृया अगाडी बढी सक्ने भएको भएपनि अधिकार नदिएको कारण यो समस्या देखिएको र अझै केही समय अस्पतालमा औषधीको समस्या रही रहने बताईन । औषधी सकिएपछि अस्पतालको भण्डारण कक्ष पनि खाली हुँदै आएका छन् ।
