सि.टा.समाचारदाता
सिमकोट । आठ दिनदेखि बेपत्ता रहेका बालक मृत अवस्थामा भेटिएका छन् । खार्पुनाथ गाउँपालिका –३ राँया गाउँका ती बालक कारङ्ग खोलामा मृत अवस्थामा भेटिएका हुन ।
राया गाउँ निवासी लोकेन्द्र रोकायाको कान्छो छोरा तीन वर्षका सदर रोकाया बुधबार हिउसो १ बजे कारङ्ग खोलामा पानीमा भिजेको अवस्थामा मृत अवस्था भेटिएको प्रहरी नायव उपरिक्षक रविन्द्र खनालले बताए । उनले स्थानीय ब्यक्तिहरुले भेटाएका हुन । भेटिए लगत्तै याङ्चु प्रहरीलाई स्थानीय खवर गरेका थिए । प्रहरीको टोली शव भेटिएको स्थानमा पुगेर पोष्ट मार्टमका लागि लाश सिमकोट ल्याउने कार्य भई रहेको उनले बताए । लाश सिमकोट ल्याएपछि पोष्टमार्टम गरिनेछ । कातिक १४ गते आफ्नै घरबाट निस्केको र त्यसयता बेपत्ता भएका थिए । बालक बेपत्ता भएको दिनबाटै स्थानीय मिलेर खोजी कार्य जारी राखेको भएपनि हालसम्म भेटाउन सकेका थिएनन् । घरबाट उतर तिरको काँरुगा गाँउजाने बाटोतिर निस्केपछि बालक बेपत्ता भएका हुन । घर परिवार सबै घरमा हुदा दिउसोको नास्ता पछि बालककी आमा आईती रोकाया घाँस काट्न गएको र आमाको पछि जाँदा बालक हराएको अनुमान गरिएको थियो । गाउँका सबै मिलेर खोजी गर्ने कार्य जारी राखेका थिए ।
