सि.टा. समाचारदाता
सिमकोट । चर्चित मेडिकल व्यावसायी दुर्गा प्रसाईं पक्राउ परेका छन् । उनलाई प्रहरीले भक्तपुरस्थित निवासबाट पक्राउ गरेको हो । प्रहरीका अनुसार पक्राउ परेका प्रसाईंलाई केन्द्रीय अनुसन्धान व्युरो (सीआईबी)मा लगिँदै छ । प्रसाईंले प्रधानमन्त्रीसमेत रहेका नेकपा एमालेका अध्यक्ष केपी शर्मा ओलीको ‘कम्बोडियामा लगानी’ रहेको भन्ने अभिव्यक्ति दिएका थिए । ओलीको सिग्नेचर समेत सार्वजनिक गर्दै प्रसाईंले उनको ३२ अर्ब लगानी रहेको दाबी गरेका थिए । उक्त सिग्नेचर ओलीको नरहेको र दुर्गाले भ्रम फैल्याउने अपराधिक काम गरेको भन्दै एमालेका नेता कार्यकर्ताले उनलाई तत्काल पक्राउको माग गरेका थिए । ओली र प्रसाईं कुनैबेला निकै निकट मानिन्थे ।
