लोग भण्डारी
सिमकोट । सर्केगार्ड गाउँपालिका उपाध्यक्ष पदका लागि सात जनाले उम्मेदवारी दिएकोमा एक जनाले फिर्ता लिएपछि बाँकी रहेका छ जनालाई मुख्य निर्वाचन अधिकृतको कार्यालयले बुधबार चुनाव चिन्ह प्रदान गरेको छ । मुख्य निर्वाचन अधिकृतको कार्यालयले प्रदान गरेर चुनाव चिन्हलाई लिएर चुनावी मैदानमा रहेका उम्मेदवारले सोही चिन्हमा भोट पाउने छन् ।
जसमा नेपाली काँग्रेसकी उम्मेदवार सविता बुढाले चुनाव चिन्ह रुख पाएकी छन् भने नेकपा एमालेकी उम्मेदवार जाना शाहीले सुर्य चिन्ह पाएकी छन् । त्यसैगरि नेकपा माओवादी केन्द्रकी देवकी तिमिल्सिीनाले गोलाकार भित्र हँसिया हतौडा पाएकी छन् । राष्ट्रिय स्वतन्त्र पार्टीकी बाँचु बुढाले घण्टी, राप्रपाकी संगिता शाहीले हलो र स्वतन्त्र नरेश शाहीले काग चिन्ह पाएका छन् । सर्केगार्डमा मुख्य निर्वाचन अधिकृतको कार्यालय उम्मेदवारलाई निर्वाचन चिन्ह प्रदान गरेको हो ।
