सि.टा. समाचारदाता
सिमकोट । बिहीबार सडकको स्तरोन्नती र कालो पत्रे गर्ने कार्यका लागि एमओयु सम्झौता भएको । काठमाडौंमा अदानचुली गाउँपालिका, शहरी बिकास मन्त्रालय, बिश्व बैंक र कर्णाली प्रदेशको भौतिक मन्त्रालयबिच एमओयुमा सम्झौता भएको हो । अदानचुली गाउँपालिकाको गल्वागार्डदेखि गाउँपालिका केन्द्र श्रीनगरसम्मको सडकको स्तरोन्नती र कालो पत्रे कार्य गर्नका लागि तयार पारिएको एमओयुमा सम्झौतमा हस्ताक्षर गर्ने कार्य भएको गाउँपालिका अध्यक्ष मोहन बिक्रम सिंहले बताए । सम्झौता गर्ने कार्य पुरा भएकोले अब चाँडै सडकको निर्माण कार्य अगाडी बढ्ने उनले बताए । यसै कामका लागि अध्यक्ष सिंह जिल्लाबाट काठमाडौं गएका थिए । उप तथा शहरी बिकास मन्त्री प्रकाशमान सिंहको उपस्थितीमा हस्ताक्षर गर्ने कार्य भएको हो । गल्फागार्डबाट श्रीनगरसम्मको सडकको लम्बाई नौ दशमलव ९९६ किलो मिटर रहेको छ । यसका लागि इष्टिमेट तयार गर्ने कार्य भई रहेको पचास करोड भन्दा बढी लागत लाग्ने अनूमान गरिएको छ । अब चाँडै टेण्डर सम्ेत आव्हान हुने भएको छ ।
