सि.टा. समाचारदाता
सिमकोट । मंसीर १६ गते हुने सर्केगार्ड गाउँपालिकाको उपाध्यक्ष पदमा राप्रपा उम्मेदवार संगिता शाहीलाई मतदान गर्न राप्रपा प्रबक्ता एवं सासद ज्ञानेन्द्र बहादुर शाहीले अपिल गरेका छन् । उनले एक भिडियो सन्देश मार्फत सर्केगार्ड वासीलाई राप्रपा उम्मेदवारलाई मतदान गर्न अपिल गरेका हुन ।
भिडियो सन्देशमा भ्रष्टाचारको बिरुद्ध राप्रपा लाग्ने प्रतिबद्धता जनाउदै आफ्नो पार्टीकी उम्मेदवार संगिता शाहीलाई मतदान गर्न उनले आग्रह गरेका छन् । अन्य पार्टीले उपाध्यक्ष पद जितेमा भ्रष्टाचार गर्दा पनि कारवाही गर्ने हैसियत नराख्ने तर राप्रपा उम्मेदवारले जितेर कुनै अनियमिताका काम गरे पार्टीले नै कारवाही गरेर देखाउने उनले बताएका छन् । मंसीर १६ गतेको उपनिर्वाचनमा राप्रपाबाट उपाध्यक्ष पदमी दावेदार शाहीलाई अत्याधिक मत दिन सर्केगार्डवासीलाई उनले आग्रह गरे । निर्वाचन हुन एक हप्ता अगाडी उनले भिडियो सन्देश दिदै मत मागेका हुन ।
