सि.टा. समाचारदाता
सिमकोट । आगामी मङ्सीर १६ गते हुने सर्केगार्ड गाउँपालिकाको उपाध्यक्ष पदको उपनिर्वाचनका लागि मतदान केन्द्रमा खटिएका कर्मचारी र सुरक्षाकर्मीहरु गाउँपालिका केन्द्रबाट मतदान केन्द्रतर्फ लागेका छन् । मतदान सामाग्री निर्वाचन अधिकृतको कार्यालयबाट बुझेर खटिएको कर्मचारी र सुरक्षाकर्मी त्यसतर्फ लागेका हुन । तेह्र जना मतदान अधिकृतले निर्वाचन सामाग्री बुझेर आफ्नो मतदान केन्द्रतर्फ लागेको र बिहीबार बेलुकासम्म सवै मतदा केन्द्रमा उनीहरु पुग्ने मुख्य निर्वाचन अधिकृत शम्भु प्रसाद बरालले जानकारी दिए । एउटा मतदान केन्द्रमा पाँच जना कर्मचारी, एक जना स्वयम सेवक र मतदान केन्द्र हरि तेह्रदेखि १९ जना सुरक्षाकर्मीहरु खटिएका छन् । उपनिर्वाचनका लागि बाह्रवट मतदान स्थल र तेह्र वटा मतदान केन्द्रमा ७३ जना कर्मचारी खटिएका छन् । सबै मतदान केन्द्रका लागि १७३ जना जनपदका प्रहरीहरु खटिएका छन् ।
