सि.टा. समाचारदाता
सिमकोट । मंसीर १६ गते हुने सर्केगार्ड गाउँपालिकाको उपाध्यक्ष पदका लागि जम्मा मतदान केन्द्रलाई बर्गिकरण गरिएको छ । उपनिर्वाचनका लागि जिल्ला सुरक्षा समितिले यसअघिको निर्वाचनको परिस्थितीलाई मध्यनजर राखि मतदान केन्द्रलाई अतिसम्बेदनशिल, सम्बेदनशिल र सामान्य गरि तीन क्याटोगोरीम बर्गिकरण गरेको हो । मध्य चार वटालाई अति सम्बेदनशील निर्धारण गरिएको छ । जिल्ला सुरक्षा समितिले मतदान केन्द्रलाई गरेको बर्गिकरण अनुसार चार वटा अति सम्बेदनशिल रहेका छन् । जसमा देबल प्रावि तुम्च, कोट मावि रोडिकोट, भवानी आवि गोठी र हिमज्योति मावि सर्केगार्ड अति सम्वेदनशिलमा परेका छन् । त्यसैगरि कुल मध्य चार बटा मतदान केन्द्र सम्वेदनशिलमा परेका छन् । यसमा सरस्वती मावि जैर, लालिगुराँस मावि लिप्ने, अंशुबर्मा आवि राहादेव र निलकण्ठ सामुदायीक प्रावि फुचा रहेका छन् अब चार वटा मतदान केन्द्रलाई सुरक्षाका हिसावले सामान्यमा बर्गिकरण गरिएको छ । यसमा देवकोट आवि उनापानी, धुमचुली आवि कल्लास, स्वयम्भु आवि बराई र ईश्वर आवि छागी रहेका छन् । यही बर्गिकरणका हिसावले मतदान केन्द्रमा सुरक्षाकर्मी परिचालन गरिएको छ । सामान्यमा बाह्र जना, सम्वेदनशीलमा चौधदेखि १९ र अतिसम्वेदशीलमा सोह्र जना सुरक्षाकर्मी मतदान केन्द्रमा खटाईएको छ ।
