सि.टा. समाचारदाता
सिमकोट । निर्धारित समय भन्दा केही ढिलो गरि मतदान कार्य सुरु भएको सर्केगार्ड उपनिर्वाचनको मतदान कार्य शान्तिपुर्ण रुपमा जारी रहेको छ । घाम ढिलो गरि लागेको कारण चिसो बढी भएको भएपनि बिहानैबाट मतदाताहरु लाईनमा उत्साहजनक रुपमा मतदान कार्यमा भा लिई रहेका छन् । उपनिर्वाचनको मतदान कार्य शान्तिपुर्ण र मतदाताको उत्साहपुर्वक सहभागिताले जारी रहेको प्रमुख जिल्ला अधिकारी नारायण पाण्डे बताए । चिसो मौसम भएपनि मतदाताहरु बिहानैबाट लामबद्ध रुपमा मतदान कार्यमा सहागिता जनाई रहेको उनले बताए । जेष्ठ नागरिक, गर्भवती तथा सुत्केरी महिला, अपांगता भएका नागरिकहरुको पनि मतदान कार्यमा सहभागिता रहेको छ । बिहानको आठ बजेर चालीस मिनेटको समयसम्म एउटा मतदान केन्द्रमा बढीमा असी र कममा पैतीस मत खसेको छ । यो उृपनिर्वाचनका लागि बाह्र वटा मतदानस्थल र तेह्र वटा मतदान केन्द्र रहेका छन् । यी मतदान केन्द्रमा ७३ जना कर्मचारी र मतदान केन्द्रमा १७३ जना सुरक्षाकर्मीहरु परिचालन भएका छन् । सबै मतदान केन्द्रमा गरि छ हजार ८१० मतदाताहरुले मतदान कार्यमा सहागिता जनाई रहेका छन् ।
