सि.टा समचारदाता
नेपाल प्रिमियर लिग (एनपिएल)अन्तर्गत आफ्नो चौथो खेलमा पनि लुम्बिनी लायन्सले खराब प्रदर्शन गरेको छ।
जनकपुरले दिएको १ सय ३७ रनको मध्य लक्ष्य पनि पूरा गर्न टोली असफल हुँदा जनकपुरले १ रनको रोमाञ्चक जित निकाल्यो। अन्तिम बलमा २ रन चाहिएको अवस्थामा हर्ष थकरले विकेट लिँदै जनकपुरलाई लगातार चौथो जित दिलाए।
जनकपुर बोल्ट्सले दिएको १ सय ३७ रनको लक्ष्य पछ्याएको लुम्बिनी लायन्सले २० ओभरमा १ सय ३५ रनमा समेटियो। लुम्बिनीका लागि कप्तान रोहित पौडेलले ३८ बल खेल्दै ३५ रन बनाएर आउट हुँदा टोम मोर्सले ३१ रन बनाएर आउट भए। त्यसअघि अर्जुन साउदले २० रन बनाएर आउट भएका थिए।
लुम्बिनीको जितमा हर्ष थकर नायक सावित भए। उनले ४ ओभर बलिङ गर्दै २३ रन खर्चिएर ५ विकेट लिए। त्यस्तै ललित राजवंशी शेर मल्ल तथा किशोर महतोले १-१ विकेट लिए।
त्यसअघि जनकपुरले जितका लागि १ सय ३७ रनको लक्ष्य प्रस्तुत गरेको थियो। टस हारेर पहिले ब्याटिङ गरेको जनकपुरले निर्धारित २० ओभरमा ९ विकेट गुमाएर १ सय ३६ रन बनायो।
जनकपुरका लागि कप्तान अनिल साहाको ४५ रन बनाउनु सर्वाधिक रह्यो। उनी बाहेक लाहिरु मिलन्थाले २४ रन बनाउँदा आसिफ शेख १६ रनमा आउट भएका थिए।
लगातार तीन खेल जितेको जनकपुरले आजको खेलमा पनि राम्रो सुरुवात पाएको थियो। पहिलो विकेटका लगि ४८ रनको साझेदारि गरेको जनकपुर दोस्रो विकेटका लागि पनि ४७ रनको साझेदारी गर्न पुगेको थियो।
तर त्यसपछि भने उसले मध्य क्रममा लगातार विकेट गुमायो। उसले ९५ रन देखी १ सय १० रनबिचमा १५ रन जोड्दा आफ्ना महत्वपूर्ण ६ विकेट गुमाएको थियो।
यद्यपि, पछिल्लो क्रममा ब्याटिङका लागि आएका शुभ कंशकारले समालिएर खेल्दा टिमले मध्यम स्कोर बनायो। कंसकारले २२ रन बनाए। जनकपुरविरुद्ध अभिषेक गौतमले १३ औं ओभरमानै ३ विकेट लिएका थिए।
उनी बाहेक रोहित पौडैलले २ विकेट लिँदा साद बिन जफरले २ र सन्दीप जोराले १ विकेट लिए।
