सि.टा. समाचारदाता
सिमकोट । आगामी मंसीर महिनामा सञ्चालन हुन गई रहेको दर्शौ राष्ट्रिय खेलकुद प्रतियोगिताका लागि कर्णालीका दश जिल्लाबाट क्षेत्रीय प्रतियोगिताका लागि खेलाडी छनौट कार्य असोज १६ गतेबाट हुने भएको छ । जिल्लास्तरमा छनौट भएका खेलाडीहरु क्षेत्रीय प्रतियोगितामा सहभागिता जनाउनेछन् ।
त्यसका लागि सदरमुकाम सिमकोटमा आयोजना गरिएको सर्वपक्षीय बैठकले सो निर्णय गरेको हो । जस अनुसार असोज १६ गतेवाट १८ गतेसम्म जिल्ला स्तरीय छनौट प्रतियोगिता आयोजना गरिने छ । उक्त प्रतियोगितामा १३ वटा खेलहरु हुनेछन् । यसका लागि जिल्लाभरका खेलाडीहरुलाई सहभागिता जनाउनका लागि जिल्ला खेलकुद बिकास समितिले आव्हान गरेको छ । त्यसबाट छनौट भएका खेलाडीहरु क्षेत्रीय खेलकुद प्रतियोगितामा सहभागी जनाउने छन्् । क्षेत्रीय प्रतियोगिता आगामी असोज २० देखि २९ गतेसम्म कर्णाली प्रदेशका दश वटै जिल्लामा सञ्चालन हुनेछन् । सो प्रतियोगितामा हुम्ला जिल्लामा हक्की र महिला भलिवल प्रतियोगिता हुनेछ । वैठकमा प्रमुख जिल्ला अधिकारी भोलानाथ गुरागाई, प्हरी नायव उपरिक्षक शंकर खड्का, सशस्त्र प्रहरी निरीक्षक खगेन्द्र विक, कर्णाली खेलकुद परिषदका सदस्य गोर्ख शाही, खेलाडीहरुको उपस्थिती रहेको थियो ।
फोटो क्याप्सन
जिल्ला स्तरीय छनौट प्रतियोगिता सञ्चालनका लागि आयोजना गरिएको बैठकका सहभागीहरु ।
तस्बिर । सि.टा.
