सि.टा. समाचारदाता
सिमकोट । मंसीर १६ गते हुने उपनिर्वाचनका बेला सत्तारुढ दलका केन्द्रीय स्तरका नेताहरुबिच भेटघाट हुनु संयोग मात्र भएको र त्यो भेट गठबन्धन गर्नका लागि नभएको कर्णाली प्रदेशका पुर्वमुख्यमन्त्री जीवनबहादुर शाहीले बताएका छन् । सो उपनिर्वाचनलाई लिएर नेपाली काँग्रेस र नेकपा एमालेबिच गठबन्धन गर्ने भन्ने हल्ला आएपछि नेता शाहीले आफ्नो प्रतिकृया यसरी दिएका हुन । नेपाली काँग्रेसले कसैसंग समिकरणको कुरा पनि नउठाएको नेपाली काँग्रेसका केन्द्रीय कार्य सम्पादन समितिका सदस्य समेत रहेका शाहीले बताएका छन् । सत्ता गठबन्धन दलहरुबिच सर्केगार्ड उपनिर्वाचनलाई लिएर कुनै पनि कुराकानी समेत नभएको बताउदै बाहिर आएको हल्ला बेकार भएको कर्णाली प्रदेशका पुर्वमुख्यमन्त्री समेत रहेका शाहीले सो प्रतिकृया दिएका छन् । निर्वाचन नजिकिदै छ, एमालेका नेताहरुसंग कुनै कुराकानी नभएको तर बाहिर गठनबन्धन गर्ने भए भनेर हल्ला फैलाउन र मिडियामा आउन आपत्तीको बिषय भएको उनले बताए । काँग्रेस सहमहामन्त्री उपनिर्वाचनका लागि कर्णाली प्रदेशको कमाण्डर समेत भएकोले सर्केगार्ड आएको बेला केन्द्रमा सत्ता गठबन्धन दलका नेताहरु बिच भेटघाट, कुराकानी हुनु र फोटो खिचाउन कुनै आश्चार्यको विषय नभएको उनले बताए । अहिले पनि काँग्रेस सर्केगार्डमा पहिलो पार्टी भएको कारण निर्वाचनमा पार्टी एक्लै अगाडी बढी रहेको उनले बताए । बुधबार बिहान काँग्रेस सहमहामन्त्री जीवन परियार हुम आएको बेला नेपाली काँग्रेसका केन्द्रीय स्तरका नेताहरु भेट भएपछि बिशेष गरि नेकपा माओवादी केन्द्र गठबन्धनको आशंका गरेका टिप्पणीहरु आएका छन् । यसलाई आधार मानेर केही सञ्चार माध्यमले समेत काँग्रेस एमाले गठनबन्धन गर्ने कुरा सार्वजनिक गरेका थिए ।
