सि.टा. समाचारदाता
सिमकोट । नाम्खा गाउँपािलका– ६ को हिमालपारीको गाउँ लिमीको ताक्चीको नदीमा तर्दै यातायात सेवा सुचारु भएको छ । सो नदीमा पानीको बहाब घटेपछि यातायात सेवा सुचारु भएको छ ।
यसअघि नदीमा पानीको बहाब बढ्दा सिमकोटबाट लिमी र लाप्ता यात्रा गर्ने यातायातका साधन पानीको बहाब बढेको कारण बन्द रहेको भएपनि हाल भने नदीमा पानीको बहाब घटेपछि यातायातका साधनहरु नदी मै तर्न सक्ने भएपछि सुचारु भएको लिमीका वडा अध्यक्ष पाल्जोर तामाङले बताए । सो नदीमा निर्माण गरिएको ह्यूमपाईपलाई नदीको पानीले बगाएपछि यातायात सेवा बन्द भएको थियो । त्यसपछि भने ताक्चीको लिमी कर्णाली नदी वारीसम्म सिमकोटबाट गएका यातायातका साधनहरु जान्थ्ये । यसले गर्दा झोलुङ्गे पुल तरेर ताक्चीको नदी पारी रहेको एउटा बोलेरो जीपबाट लिमी र लाप्चासम्म यात्रुहरुले जानु पर्ने बाध्यता रहेको थियो । उनका अनुसार नदीमा पानी घटेपछि अब सिधै यातायातका साधनहरु तरेर वारपार गर्न सक्ने अबस्था रहेको छ । अब यलाप्चाबाट मानसरोवर कैलाशको यात्रा गर्ने पर्यटकहरुले अर्को गाडी चढ्नु पर्ने बाध्यता पनि हटेको छ भने सिमकोटबा एक दिन मै लाप्चा पुगेर मानसरोवर कैलाशको दुरदर्शन गर्न सकिने छ । दुई वटा यातायातका साधन प्रयोग गर्नु पर्ने र यात्रा खर्चिलो हुने भएपछि दश भन्दा बढी समुहले साउन र भदौमा लाप्चा पुगेर मानसरोवर कैलाशको दुरदर्शन गर्ने यात्रा रद्ध गरेका छन्
फोटो क्याप्सन
लिमीको ताक्चीमा लिमी कर्णाली नदीमा तर्दै वोलेरो जीप ।
