- सि.टा.समाचारदाता
सिमकोट । यारी भन्सार कार्यालयबाट असुली हुँदै आएको राजस्वमा कमी आएको छ । चिनीयाँ पक्षले बाह्रै महिना नाका खुल्ला गरेपनि ब्यक्तिगत रुपमा एक बोरा मात्र सामान ल्याउन दिने र कुरियर गर्दा भाडा महंङ्गो पर्ने भएपनि सामान आयात कम हुँदा राजस्व असलीमा कमी आएको हो ।
चालु आर्थिक वर्षको पहिलो दुई महिनामा राजस्व असुली कमी आएको भन्सार कार्यालयका प्रमुख रामराज जैसीले बताए । उनका अनुसार यो दुई महिनाको अवधिमा दुई लाख ७८ हजार ४५० रुपियाँ मात्र राजस्व असुली भएको छ । जसमा साउन महिनामा एक लाख ५६ हजार दुई सय र भदौ महिनामा एक लाख २२ हजार २५० रुपियाँ असुली भएको छ । जव कि गत वर्ष साउन महिनामा मात्र तीन लाख पचास हजार रुपियाँ राजस्व असुली भएको थियो । गत वर्षको भदौ महिनामा कार्यालय प्रमुख जैसी कार्यालयको कामको शिलशिलामा जिल्ला बाहिर भएको कारण राजस्व असुली हुन सकेको थिए । यसरी राजस्व कर्मी आउनुको कारण चिनीयाँ पक्षले ताक्लाकोटबाट ब्यक्तिगत रुपमा सामान एक बोरा मात्र ल्याउन दिनु, बढी सामान ल्याउनु परे कुरिएर गर्नु पर्ने, कुरियर गरेको गाडीको भाडा महङ्गो पर्ने भएकोले सामान कम आएकै कारण राजस्व असुलीमा कमी आएको उनले बताए । अर्को कुरा नेपाली ब्यवारीहरुलाई चीनबाट सामान आयात गर्दा ढुवानीमा सिन्डिकेट भएको कारण राजस्वमा कमी आएको उनले बताए । अर्को कुरा यसअघि नेपाली सामान हिल्सामा नजाने गरेको भएपनि अहिले भने नेपाली सामान हिल्सामा पनि पुग्ने गरेको छ ।
