सि.टा.समाचारदाता
सिमकोट । राष्ट्रिय प्रजातन्त्र पार्टी हुम्ला यतिबेला उपनिर्वाचनको तयारीमा जुटेको छ । उपाध्यक्ष पदका लागि पार्टीले उम्मेदवारी दिनेृ भएपछि त्यसको तयारीमा जुटेको हो ।
त्यसका लागि राष्ट्रिय प्रजातन्त्र पार्टीले आगामी मंसीर १६ गते हुने उपनिर्वाचनका लागि दुई वटा उपसमिति गठन गर्ने निर्णय गरेको छ । रिक्त उपाध्यक्ष पदका लागि उम्मेदवारी केन्द्रमा सिफारिस गरेको राम्रोले आफ्नो उम्मेदवारी दिने भएपछि निर्वाचनका लागि समिति गठन गरेको छ । उपाध्यक्ष पदका लागि उपनिर्वाचन हुन लागेको सर्केगार्ड गाउँपालिकामा वसेको राप्रापाका केन्द्रीय सदस्य कालीबहादुर शाही र जिल्ला अध्यक्ष बिकास महतको उपस्थितीमा सर्केगार्ड गाउँपालिका कार्य समितिको बैठकले उपनिर्वाचनका लागि दुई वटा उपसमिति गठन गरेको राप्रपा हुम्लाका अध्यक्ष महतले बताए । उनले जसमा निर्वाचनको प्रचार प्रसारका लागि शिबराज रोकायाको संयोजकत्वमा तीन सदस्यीय उपसमिति गठन गरिएको छ । राप्रपा कर्णाली प्रदेशका सदस्य बरुने ऐडीको संयोजकत्वमा तीन सदस्यीय आर्थिक संकलन उपसमिति गठन गरिएको छ । निर्वाचनका लागि उपसमिति गठन गर्ने राप्रपा हुम्लामा पहिलो दल भएको छ । बैठकले सडक दुर्घटनमा परि मृत्यु भएका गाउँपालिका उपाध्यक्षको स्वर्गीय चन्द्रसिंह कार्कीको लागि शोक प्रस्ताव समेत पारित वैठकले गरेको छ ।
