सि.टा. समाचारदाता
सिमकोट । आगामी मंसीर १६ गते हुन लागेको स्थानीय तहको उपनिर्वाचनलाई लक्षित गरेर नेपाली काँग्रेस सर्केगार्ड गाउँपालिकाले प्रशिक्षण र अन्र्तकृया कार्यक्रम आयोजना गर्ने भएको छ ।
सर्केगार्ड गाउँपालिकामा रिक्त रहेको उपाध्यक्ष पदको निर्वाचनका लागि संभावित उम्मेदवारका लागि साझा धारणा बनाउनका लागि प्रशिक्षण तथा अन्र्तकृया कार्यक्रम आयोजना गर्न लागिको सो गाउँपालिकाका सभापति धनराज शाहीले बताए । गाउँपालिका स्तरको आम भेलाबाट कातिक २३ गते उम्मेदवारको नाम सिफारिस गनै कार्यक्रम तय भएको कारण सबै वडामा पुग्ने कार्यक्रम रहेको उनले बताए । यो कार्यक्रम कातिक १० गतेबाट २० गतेसम्म सञ्चालन गरिने छ । जस अनुसार सर्केगार्ड गाउँपालिका– २ रिपमा कातिक १० गते, ३ को उनापानीमा ११ गते, ६ को बराईमा १२ गते, ७ को रोडिकोटमा १३ गते, ८ को राहादेवमा १४ गते, ५ को गोठीमा १५ गते र ४ को साँयामा १६ गते सो कार्यक्रम आयोजना गरिनेछ । त्यसैगरि तिहार पछि वडा नम्बर १ को जैरमा २० गते कार्यक्रम आयोजना गरिनेछ । यसका लागि सर्केगार्ड गाउँपालिका काँग्रेसले हुम्लाबाट काँग्रेसको केन्द्र सदस्यहरु, प्रदेश कार्य समितिका सदस्य, जिल्ला कार्य समितिका पदाधिकारी, भातृ संस्थाहरु र शुभेक्छुकमा नेपाल ट्रेड युनियन काँग्रेसका प्रमुखलागि सो कार्यक्रममा सहभागिताका लागि आमन्त्रण गरिएको छ । उक्त उपनिर्वाचनमा काँग्रेसमा आकांक्षीहरु बढी देखिएका छन् ।
