सि.टा. समाचारदाता
सिमकोट । नेपाल ट्रेड युनियन काँग्रेस हुम्लाको तेस्रो जिल्ला सभा सम्पन्न भएको छ । एक कार्यक्रमका विच आईतबार नेपाल ट्रेड युनियन काँग्रेस हुम्ला शाखाको तेस्रो जिल्ला सभा सम्पन्न भएको हो। सो कार्यक्रममा युनियनकर्मीहरु सबै प्रकारका श्रमिकहरुको अधिकार प्राप्तीमा केन्द्रीत हुन सुझाव प्रदान गरिएको छ । आईतबार नेपाल ट्रेड युनियन काँग्रेस हुम्ला शाखाको तेस्रो जिल्ला सभामा काँग्रेस नेताहरुले सो कुरा बताएका हुन
जिल्लमा कार्यरत सबै प्रकारका ट्रेड युनियनकर्मीहरु श्रमिकका अधिकार र माग प्रति केन्द्रीय हुनु पर्ने नेपाली काँग्रेस हुम्लाका नेताहरुले बताएका छन् । नेपाली काँग्रेस कर्णाली प्रदेशका सदस्य जयपति रोकायाले मजदुरले सही किसिमले ज्याला पाए नपाएको कुरामा ट्रेड युनियनका नेताहरुले ध्यान दिनु पर्ने बताए । पार्टीगत रुपमा कुनै पार्टीसंग आस्था भएपनि समग्र जिल्लाका श्रमिकका पक्षमा वकालत गर्न र उनीहरुले न्याय पाए नपाएको त्यसमा ध्यान जान आवश्यक रहेको उनले बताए । उनले जिल्लाका कामदारहरु चीनको ताक्लाकोट जाने तर जिल्लामा काम गर्न बाहिरका कामदारहरु आउने बाताबरण रहेको बताउदै अब जिल्लाका कामदारहरुलाई जिल्ला मै काम गर्ने बाताबरण तयारीमा लाग्नु पर्ने बताए । त्यसैगरि नेपाली काँग्रेस कर्णाली प्रदेशकी सदस्य रम्भा शाहीले श्रमिकका पक्षमा टे«य युनियनकर्मी लाग्नु पर्ने बताईन काँग्रेस का.वा. सभापति कैलाश भण्डारीले गर्भिलो इतिहाँस भएको ट्रेड युनियनले अब सबै प्रकारका श्रमिकका अधिकार प्राप्तमा लाग्न पर्ने बताए । काँग्रेस उपसभापति बसन्त रोकायाले ट्रेड युनियन नोपली काँग्रेसमा भरोसा योग्स शुभेक्छुक संस्था भएको कारण पार्टीलाई गतिशिल बनाउन सघाउन तयार रहनु पर्ने बताए । कार्यक्रममा काँग्रेस सचिव, कृष्णबहादुर बोहरा, कोषाध्यक्ष बबिता शाही, ख नम्बर प्रदेश सभापति तरकदिर लामा, काँग्रेस महासमिति सदस्य शुशिाला रोकाया भाम, स्थानीय तह ट्रेड युनियनका केन्द्रीय उपाध्यक्ष मोहनबहादुर शाही, ख नम्बर प्रदेशकी कोषध्यक्ष सरिता रावत, दलित संघको केन्द्रीय सदस्य मेघराज परियार लगाएका नेताहरुले ट्रेड युनियनका पक्षमा बोलेका थिए । साथै सभाको बन्द सत्रले स्थानीय तहमा संगठन निर्माण लगाएतको निर्णय समेत गरेको छ । कार्यक्रम युनियन काँग्रेसका अध्यक्ष राजन रावतको अध्यक्षतामा भएको थियो ।
