सि.टा. समाचारदाता
सिमकोट । हुम्ला मै उत्पादन भएको फुल बिक्री सुरु भएको छ । तिहारको बेला स्थानीय ब्यापारीहरुले बाहिरबाट आयात भएका प्लाष्टिकको फुलको माला भन्दा स्थानीय फुलको प्रर्बद्धन गर्न स्थानीय फुल खरिद गरेर माला तयार पारि बिक्री गर्न सुरु गरिएको हो । हुम्लामा भएका फुलहरु त्यसै खेर जाने तर बाहिरबाट आयात भएको प्लाष्टिकका फुलहरु बिक्री गर्नु भन्दा सदुपयोग गर्नु उपयुक्त लागेको देखिएकोले स्थानीय मखमलीको फुल किसानबाट खरिद गरेर बिक्री गरेको युग जनरल स्टोरकी सुन्दरी शाही भण्डारीले बताईन । उनल्े किसानले बारीमा लगाएको फुल खेर जाने तर नेपालगंज र सुर्खेतबाट आयात भएको प्लाष्टिकको फुलको माला बिक्री गर्नु भन्दा स्थानीय फुलको प्रर्बद्धन गर्न यस्तो गरिएको बताईन । यसरी पहिलो पटक शाहीले फुल खरिद गरेर माला तयार पारि बिक्री गरेकी हुन । उनले एक सय माला हुने गरि स्थानीय फुल किने र बिक्री गरेकी हुन । एउटा फुलको मालाको मुल्य एक सय तीस रुपियाँमा उनले बिक्री गरेको छन् । बिक्रीका लागि तयार पारिएका माला सवै बिक्री भएको उनले बताईन । अब हुम्लामा पनि फुल खेती हुने संभावन बढेको छ ।
