सि.टा. समाचारदाता
सिमकोट । कर्णाली करिडोरको सर्केगार्डबाट खार्पु र सुर्खेतका लागि सञ्चालनमा रहेको एउटा बोलेरो जीप ग्यालेनको इन्धनबाट सिधै गाडी चलाउने गरेका छन् । गाडीमा रहेको इनधन राख्ने ट्याङ्की फुटेपछि गाडी चलाउन यस्ता जुक्ती चालकले अपनाएका हुन । बोलेरो जीप चालक जनक शाहीले इन्धन राख्ने ट्याङ्की फुटेपछि ग्यालेनमा सिधै पाईप जडान गरेर गाडी चलाउन पर्ने बाध्यता रहेको बताए । उनले सुर्खेतबाट फुटेको ट्याङ्की मर्मत गर्ने सामान झिकाउने कार्य भएको र त्यतिन्जेल ग्यालेनमा पाईप जडान गरेर गाडी चलाउने कार्य भई रहेको बताए । उनले यसरी लामो दुरीमा गाडी नचलाए पनि छोटो दुरीमा भने चलाई रहेको बताए । सर्केगार्डबाट खार्पुसम्मको पचास किलो मिटर दुरीको सडकमा नौ जना यात्रु बोकेर उक्त गाडीले यात्रा गरेको थियो । उक्त् गाडीको यात्रु बस्ने सिटमा इन्धन भरेको ग्यालेन राखिएको छ । जसको कारण यात्रु बस्न पनि असजिलो हुने गरेको छ । अर्का गाडी चालक जोरा बोहराले त्यसरी सिधै ग्यालेनमा रहेको इन्धनलाई पाईपको सहायताल गाडी चलाउन निक्कै जोखिम पुर्ण रहेको बताए । यसरी गाडी चलाउदा गाडीले भने जस्तो पिक अप लिन नसक्ने, माईनेज नलिने, २५ प्रतिशत ग्याँस उड्ने भएको कारण जोखिम बढी हुने उनले बताए ।
