सि.टा.समाचारदाता
सिमकोट । नेपाली काँग्रेस जिल्ला कार्य समितिको बैठक कातिक २४ गते बस्ने भएको छ । मंसीर १६ गते हुन गई रहेको स्थानीय तहको उपनिर्वाचनका लागि उम्मेदवार नाम सिफारिस गर्न नेपाली काँग्रेस हुम्लाको बैठक कातिक २४ गते बस्ने भएको हो ।
जिल्ला कार्य समितिको बैठक बस्नका लागि पार्टी सभापति मोहन बिक्रम सिंहले पत्राचार गरेका छन् । उक्त दिन बैठक दिउसो १ बजे विपि स्मृति भवनमा बस्ने छ । बैठकले उपनिर्वाचनका लागि क नम्बर प्रदेशबाट सिफारिस भएर आएका नाम माथि छलफल गर्ने ती मध्य छनौट भएका उम्मेदवारको नाम प्रदेश कार्य समितिमा पठाउने निर्णय हुने छ ।
नेपाली काँग्रेस जिल्ला कार्य समितिको कातिक १५ र १६ गते सर्केगार्ड गाउँपालिका केन्द्र सर्केगार्डमा बसेको जिल्ला कार्य समितिको बैठकले कातिक २१ गते वडा कार्य समितिले उम्मेदवारको नाम गाउँपालिका कार्य समितिलाई सिफारिस गर्ने, २३ गते क नम्बर प्रदेश कार्य समितिले जिल्ला कार्य समितिलाई र २४ गते जिल्ला कार्य समितिले कर्णाली प्रदेश कार्य समितिलाई सिफारिस गर्ने निर्णय गरेको थियो । संभवत काँग्रेसले एकल नाम सिफारिस गर्ने तयारी गरेको छ ।
