सि.टा समाचारदाता
सिमकोट । नेपाल र चीनको सिमा क्षेत्र हिल्साको तापक्रम माईनसमा झरेको छ । कातिक अन्तिम साता लागेसंगै चिसो बढेको कारण तापक्रम माईनसमा झरेको हो ।
हिल्सामा बिहान, बेलुका र रातीमा तापक्रम माईनस तीन डिग्रीसम्म भर्ने यारी भन्सार कार्यालयका निमित्त प्रमुख राजराज जैसीले जानकारी दिए । उनले दिउसो सुन्ने र एक देखि दुई डिग्री सेल्सियसमा पुग्ने गरेको भएपनि बिहान, बेलुका र राती निक्कै चिसो हुने गरेको जानकारी बताए । उनले हिउ नपर्दै यति धेरै चिसो बढेको कारण घाम अस्ताए पछि बाहिर निस्कन पनि कठिन हुने गरेको बताए । यसले गर्दा हिल्सामा बस्दै आएका सुरक्षाकर्मी, ब्यापारी, कर्मचारीहरु बाक्ला कपडा लगाएर हिडडुल गर्ने गरेका छन् । हिल्सा कर्णाली नदीको खोचमा रहेको छ । दिउसो दश बजे घाल लागेर बाह्र बजे अस्ताउने गरेको छ ।
