सि.टा. समाचारदाता
सिमकोट । स्वास्थ्य क्षेत्रमा कर्णाली अगाडी बढी रहेको प्रधानमन्त्री केपी शर्मा ओलीले बताएका छन् । प्रतिष्ठानको पहिलो दिक्षान्त समारोहको उद्घाटन कार्यक्रममा जुम्ला आई पुगेका प्रधानमन्त्री ओलीले सो कुरा बताएका हुन ।
कर्णाली स्वास्थ्य विज्ञान प्रतिष्ठान जुम्लामा स्थापना भएर कर्णालीवासीको घर मै उपचार पुगेको प्रधानमन्त्री केपी शर्मा ओलीले बताए । प्रतिष्ठान जुम्लामा स्थापना भएसंगै बिरामीको उपचारका साथै अध्ययन गर्ने अवसर सृजना भएको छ । कर्णाली भनेको सुर्खेत मात्र नभएर त्यहाँ भन्दा माथिल्लो भुभाग रहेको बताउदै कर्णाली अब निक्कै अगाडी बढी सकेको प्रम ओलीले बताए । प्रतिष्ठानबाट कर्णालीका दश जिल्ला मात्र नभएर सुदुरपश्चिमका तीन जिल्ला गरि तेह्र वटा जिल्लाका वासन्दाहरुले सेवा पाउने बाताबरण तयार भएको उनले बताए । अब कर्णाली वासीले देशका ठुला शहरका सुविधा सम्पन्न अस्पतालमा सेवा लिन जान नपर्ने बाताबरण तयार भएको बताउदै प्रतिष्ठानमा अध्ययनरत बिधार्थीको इमानदारिताले गर्दा यो सफलता मिलेको प्रधानमन्त्री ओलीले बताए । यसअघि स्वास्थ्य मन्त्री प्रदिप पौडेल र प्रतिष्ठानका उपकुलपति डा. मंगल रावलले आफ्नो भनाई राखेका थिए । दिक्षान्त समारोहमा ५८ जना बिधार्थीहरु दिक्षीत भएका थिए । उद्घाटन कार्यक्रम सम्पन्न भएपनि प्रम ओली बुधबारै काठमार्डौ फिर्ता हुने कार्यक्रम रहेको छ ।
