लोग भण्डारी
सिमकोट । सहयोगी निकायबाट सिमकोट गाउँपालिका– ७ र ८ का ९ जना किसानहरुले तरकारीको बीउ र कृषि सामाग्री सहयोग पाएका छन् । किसानलाई हिउदे तरकारी खेती गरेर आर्थिक उपार्जन गर्नका लागि सहयोगी निकायको सहयोगमा ती सामाग्री सहयोग गरिएको हो । हिउदे समय लागेपछि तरकारी खेती गर्नका लागि ग्रीन हाउसको पाल, हजार, गार्डेन पाईप, किला र ढोकाको लागि कव्जा सहयोग पाएको सिमकोट गाउँपालिका–८ का िकिसान कलबहादुर बुढाले बताए । ग्रीन हाउसका लागि आफ्ले गर्ने काम सवै तयारी अवस्थामा राखेको र अब यो सामाग्री गाउँ लगेर ग्रीन हाउस निर्माण गरेर तरकारी लगाउने उनले बताए । बीउ तथा यी सामाग्री सहयोग गर्ने सहयोगी निकाया आधार बिकास नेपालका कृषि संयोजक गगन रोकायाले सिमकोट गाउँपालिका– ७ र ८ का किसानहरुलाई बीउ, पाल र कृषि सामाग्री सहयोग गरिएको बताए । यसमा गाउँ अनुसार स्याँडाका तीस, साँताका तेह्र, खोल्सीका सात, धारापोरीको छ र चौगानफयाका तीन जना किसानलाई ती सामाग्री बुधबार सहयोग गरिएको उनले बताए । बेमौसमी तरकारी उत्पादन गरेर किसान एकातिर आफै उपभोग गर्न र अर्को कुरा उत्पादित तरकारी बिक्री गरेर आम्दानी गर्नका लागि कार्यक्रमले यो सहयोगको कार्यक्रम गर्दै आएको हो ।
