सि.टा. समाचारदाता
सिमकोट । न्यून आयश्रोत भएका ब्यक्तिहरुका लागि सदरमुकाम सिमकोटस्थित कपडा बैंकमा राखिएका कपडाहरु सहयोगी बन्दै आएका छन् । आर्थिक अभावको कारण नयाँ कपडा किन्न नसकिने भएकाहरुका लागि कपडा बैंकमा राखिएका कपडाहरु सहयोगी भएका हुन । हरेक दिन दिउसो र बेलुकासम्म केही न केही कपडा सो बैंकमा राख्ने गरिएको भएपनि पछिल्लो दिन बिहान भने कपडा बेंकमा देखिदैन । यसले दिउसो कपडा लिन असजिलो मान्ने तर आवश्यकता खड्किएका मानिसहरु सदरमुकाम सिमकोटमा धेरै रहेको अनुमान गर्न सकिन्छ । बास्तवमा यस्तै आवश्यकता भएका मानिसहरुका लागि सो बैंक डेढ वर्ष अगाडी काँग्रेस उपसभापति बसन्त रोकायाको अगुवाईमा स्थापना भएको थियो । त्यसको उद्घाटन कर्णाली प्रदेशका पुर्वमख्यमन्त्री जीवन बहादुर शाहीले गरेका थिए । स्थापना भएयता बैंकमा चार सय थान भन्दा बढी सवै प्रकारका कपडाहरु राखिएको अनुमान रहेको छ । अहिले पनि जो सुकै मानिसले आफुसंग भएका तर प्रयोगमा नरहेका कपडा बैंकमा ल्याएन राख्न सकिने छ । यसले गर्दा घरमा त्यसै थन्किएका तर आवश्यक पर्ने मानिसले लगाउने नपाएको अवस्थामा त्यसबाट भने सहयोग मिल्ने बिस्वास गरिएको छ । यो काममा सहयोग जो सुकैले पनि गर्न सक्ने छन् ।
