सि.टा. समाचारदाता
सिमकोट । डेढ वर्षस्म्म राष्ट्रिय स्वतन्त्र पार्टीमा लागेका नारायण फडेरा अन्ततः आफ्नो पुरानै घर नेपाली काँग्रेसमा उपनिर्वाचनको मुखमा फर्किएका छन् । उपनिर्वाचनका लागि सर्केगार्डमा रहेको बेला नेपाली काँग्रेसकी नेत्री एवं संविधान सभा सदस्य रिता शाही लगाएत काँग्रेस नेताहरुसंगको छलफलपछि रास्वपा हुम्लाका सचिवसंगको छलफलपछि उनी रास्वपा परित्याग गरि काँग्रेस फर्किएका हुन । आफ्नो पुरानै घर काँग्रेस फर्किएपछि रास्वपा सचिव समेत रहेका फडेराले कुनै स्वार्थ र लोभले नभई काँग्रेस फर्किएको बताउदै काँग्रेसका नेताहरुको कारण रास्वपामा लागेको भएपनि अव काँग्रेसका नेताहरुले सच्चिने प्रतिबद्धता जनाएपछि फिर्ता भएको बताए । पहिले बाटै काँग्रेस भएको र तर डेढ वर्षदेखि रास्वपा लागेर सो पार्टी निर्माण कार्यमा लागेकोे भएपनि अहिले उपनिर्वाचन अगाडी पुरानै पार्टीमा फर्किएको उनले बताए । उनी शुक्रबार राती काँग्रेस फर्किएका हुन । फडेरा काँग्रेस नेत्री शाही, सर्केगार्ड गाउँपालिका अध्यक्ष ठानबहादुर रोकाया, सर्केगार्ड गाउँपालिका सभापति धनराज शाही, नेविसंघ केन्द्रीय सदस्य याङ्जोर फडेरा लगाएको उपस्थितीमा काँग्रेस फर्किएका थिए । हाल फडेरा उनापानी गाउँकै लेखको गाउँ गुसातर्फ गै रहेका छन् ।
सचिव भएकै काँग्रेस फिर्ता
शुक्रबार जिल्ला भेलाबाट पार्टी सचिवमा चयन भएकै दिन फेडेरा नेपाली काँग्रेसमा फर्किएका छन् । । यसअघि रास्वपाको जिल्ला कार्य समितिको सदस्यमा रहँदै आएका फडेरा शुक्रबार सर्केगार्डमा भएको जिल्ला भेलाबाट जिल्ला कार्य समितिको सचिवमा चयन भएका थिए । काँग्रेस फर्कि सकेको कारण रास्वपा नेतालाई सामाजिक सञ्जालमा टण्ट नगर्न राग्रह
काँग्रेस फर्किएका फडेराले आफ्नो काँग्रेस फिर्तीलाई लिएर रास्वपा हुम्लाका नेताहरुलाई सामाजिक सञ्जालमा टण्टा नगर्न आग्रह गरे । रास्वपा हुम्लाका केही नेताहरुले शनिबार बिहान सचिव फडेरा आफ्नै पार्टीमा रहेकोे पुराना फोटो र भिडियो हालेर रास्वपा मै रहेको कुरा सार्वजनिक गरेपछि उनले आश्चार्य चकित भएको बताए । आफु अब काँग्रेस फर्कि सकेकोले रास्वपाका नेताहरुले दिवा सपना नदेख्न आग्रह गरे रास्वपा बसेर पार्टी चलाउ तर मेरा बारेमा नानाभाती कुरा नगर्न उनले सचेत बनाए फोटो क्याप्सन
