सि.टा. समाचारदाता
सिमकोट । राष्ट्रिय प्रजातन्त्र पार्टीले सर्केगार्ड उपनिर्वाचनका लागि संगीत शाहीलाई उम्मेदवार बनाउने भएको छ । यसअघि उक्त पार्टीले उपनिर्वाचनका लागि दुई जना पुरुष उम्मेदवारको नाम केन्द्रमा सिफारिस गरेको भएपनि निर्वाचन आयोगले अनिवार्य महिला उम्मेदवार उठाउनु पर्ने परिपत्र जारी गरेपनि राप्रपाले अहिले महिला उम्मेदवार छनौट गरेको हो । आगामी मंसीर १६ गते हुने उपनिर्वाचनका लागि आफ्नो पार्टीको तर्फबाट उम्मेदवार छनौट गरेको छ । हाल सर्केगार्डमा उपनिर्वाचनका लागि खटिएका राप्रपा हुम्लाका अध्यक्ष बिकास महतले आफ्नो पार्टीको तर्फबाट सर्केगार्ड गाउँपालिकाको उपाध्यक्ष पदका लागि संगिता शाहीलाई उम्मेदवार बनाउने निर्णय भएको र सो निर्णयलाई केन्द्रले समेत समर्थन गरेर पार्टीको टिकट समेत आएका बताए । उनले पार्टीको तर्फबाट अर्की दावेदार निर्मला महत पनि रहेको भएपनि पार्टीको निर्णय अनुसार शाहीलाई उम्मेदवार बनाईएको बताए । शाही सर्केगार्ड गाउँपालिका– ४ की स्थायी बासिन्दा हुन । दुई गते उम्मेदवारी दर्तापछि चुनावी प्रचार प्रसारमा लाग्ने उक्त पार्टीले बताए ।
