सि.टा. समाचारदाता
सिमकोट । मंसीर १६ गते हुने गै रहेको सर्केगार्ड गाउँपालिकाको उपनिर्वाचनका लागि आईतबार मनोनयन दर्ता भएका उम्मेदवारको मनोनयन बिरुद्ध उजुरी परेको छैन् । मनोनयन दर्ता गरेका उम्मेदवारका मनोनयन प्रति सोमबाट उजुरी गर्ने कार्य तालिका भएपनि कुनै उम्मेदवार बिरुद्ध उजरी भने परेको छैन ।
मंसीर २ गते आईतबार दल र स्वतन्त्र गरि सात जना उम्मेदवारले आफ्नो मनोनयन दर्ता गरेको भएपनि कुनै पनि उम्मेदवारको मनोनय प्रति उजुरी नपरेको मुख्य निर्वाचन अधिकृत शम्भु प्रसाद बरालले बताए । सोमबाट बिहान दश बजेबाट बेलुका चार बजेसम्म उजुरी दर्ता गर्न सक्ने कार्यतालिका रहेको थियो । सर्केगार्ड गाउँपालिकाको उपविर्नाचनमा उपाध्यक्ष पदका लागि नेपाली काँग्रेसबाट सविता बुढा, नेकपा एमालेबाट जाना शाही, नेकपा माओवादी केन्द्रबाट देवकी तिमिल्सिना, राष्ट्रिय स्वतन्त्र पार्टीबाट बाँचु बुढा, राष्ट्रि प्रजातन्त्र पार्टीबाट संगिता शाही र स्वतन्त्रबाट नरेश शाहीका साथै रामसरा खड्का साउदको उम्मेदवारी परेको थियो । मंगलबार मुख्य निर्वाचन अधिकृतको कार्यालयले दर्ता भएका मनोनय माथि छानविन गर्ने कार्यतालिका रहेको छ भने मंसीर ५ गते उम्मेदवारको अन्तिम नामावली प्रकाशन गर्ने कार्यतालिका रहेको छ ।
