सि.टा. समाचारदाता
हुम्ला । सिमकोट हिल्सा सडक सुचारु भएको छ । आईतबार रातभर परको वर्षाको कारण माथिबाट सडकमा ढुङ्गा खस्दा नाम्खा गाउँपालिका– ४ को सल्लीमा सडक अबरुद्ध भएको मा त्यसलाई हटाएपछि सडक सुचारु भएको हो ।
सडकमा ठुलै ढुङ्गा खसेको कारण सिमकोट हिल्सा सडकको सल्लीमा दुईतर्फी सडक अवरुद्ध भएको भएको सडक सुचारु भएको जिल्ला प्हरी कार्यालयका सुचना अधिकारी प्रहरी निरीक्षक युवराज ढकालले बताए । मेशिन आएर सो सडकमा खसेको ढुङ्गा पन्छाएपछि सडक सुचारु भएको हो । सडक अवरुद्ध भएको चीनको ताक्लाकोटमा अनौपचारिक छलफलमा गएको टोली रोकिएको थियो । सडक सुचारु भएसंगै सो टोली पनि अगाडी जान पाएको छ । सो टोलीमा प्रमुख जिल्ला अधिकारी भोलानाथ गुरागाई, प्रहरी नायव उपरिक्षक शंकर खड्का, सशस्त्र प्हरी नायव उपरिक्षक नन्दबहादुर साउद, राष्ट्रिय अनुसन्धानका प्रमुख मेघनाथ कँडेल र नाम्खा गाउँपालिकाका अध्यक्ष प्रेमबहादुर लामाको सहभागीता रहेको छ । त्यसैगरि बझाङका प्रमुख जिल्ला अधिकारीको टोली पनि रहेको छ । उक्त क्षेत्रमा दुवैतर्फ यातायातका साधनको आवागमन सुचारु भएको थियो । त्यसैगरि पहिरोले सिमकोट गाउँपालिका–५ को मानसरोवर मावि पछाडीपट्टीको अवरुद्ध सडक पनि सुचारु भएको प्रहरीले जनाएको छ ।
