- सि.टा. समाचारदाता
सिमकोट । नेपाल र चीनको सिमाना हिल्सामा चीन सरकारले निर्माण गर्न लागेको मितेरी पुलको निर्माण कार्य दैनिक तीन सिफ्टमा भई रहेको छ । चीन सरकारको लक्ष एक वर्षमा सो पक्की पुलको निर्माण कार्य सम्पन्न गर्ने भएपनि निर्धारित मिति भन्दा अगाडी सम्पन्न गर्न चौबीसै घण्टा निर्माण कार्य भई रहेको हो ।
एक महिनादेखि सिमा क्षेत्र हिल्सामा छिमेकी देश चीनद्धारा निर्माण कार्य भई रहेको मितेरी पुलको निर्माण कार्य चिनीयाँ निर्माण कम्पनीले दैनिक तीन सिफ्टमा काम सुरु गरेर चौबीसं घण्टा निर्माण कार्य गरि रहेको भन्सार कार्यालयका प्रमुख रामराज जैसीले बताए । प्राबिधिक सहितका कामदारले दैनिक रातदिन काम गरि रहेको कारण पुलको भौतिक प्रगति पनि छोटो अबधिमा निक्कै अगाडी बढेको छ । यसमा मेशिनहरुबाट पिलरको जग खन्ने र मोटरबाट नदीको पानी फाल्ने कार्य पनि भई रहेको छ । पुलका लागि आवश्यक पर्ने सबै प्रकारका कामहरु एकसाथ भई रहेका छ । चिनीयाँ निर्माण कम्पनीले यसरी रातदिन पुल निर्माणको कार्य गर्नुको मुख्य कारणमा छ महिनामा पक्की पुलको निर्माण कार्य समेत सञ्चालनमा ल्याउन मुख्य उद्धेश्य रहेको छ । जब सो पुलको निर्माण कार्य एक वर्षमा गरि सक्ने गरि जिम्मेवारी निर्माण कम्पनीले पक्षले पाएको छ । पुलका लागि तीन वटा पिलरको जग खन्ने कार्य मेशिनले गरि रहेको छ । जुन पिलर एउटा नेपाली भुभाग, एउटा चिनीयाँ भुभाग र अर्को नदीको बिचमा निर्माण गर्ने गरि काम भई रहेको छ । बिचको पिलर निर्माणका लागि जग खन्नका लागि नदीको पानी अर्कोतर्फ सारिएको छ । पुलको माथि राखिने स्ल्याबहरु ताक्लाकोटबाट मसला बनाएर मेशिनमा ल्याई पुल निर्माण स्थलको नजिकै ढलान गर्ने पनि भई रहेको छ । कामदार पनि सबै चिनीयाँहरुले गरि रहनु भएको छ । पुलको निर्माण कार्य सम्पन्न भएपनि चीन सरकारकै लगानीमा नेपालतर्फको पुलको पिलरबाट पाँच सय मिटर सडक पनि निर्माण गरिनेछ ।
